“მივიღე შეთავაზება, კენჭი ვიყარო თბილისის მერად”
ტელეკომპანია “რუსთავი 2”-ის გენერალური დირექტორის მოადგილე ზაალ უდუმაშვილი ადასტურებს, რომ “ნაციონალური მოძრაობისგან” მიიღო შეთავაზება, კენჭი იყაროს თბილისის მერის არჩევნებში. ამის შესახებ ჟურნალისტებს უდუმაშვილმა კიევიდან დაბრუნების შემდეგ, თბილსის საერთაშორისო აეროპორტში განუცხადა.
“მე, ბევრს ვერაფერს გეტყვით, ვადასტურებ, რომ მაქვს შეთავაზება, კანდიდატურა დავაყენო თბილისის მერის პოსტზე და მივიღო არჩევნებში მონაწილეობა, თუმცა, გადაწყვეტილებას უახლოეს დღეებში გამოვაცხადებ ოფიციალურად. უკრაინაში პარტიის ლიდერებთან მქონდა შეხვედრა, მათ შორის – მიხეილ სააკაშვილთან. ეს შეთავაზება არის “ნაციონალური მოძრაობისგან”. გადაწყვეტილება ჯერ არ მიმიღია, ვიყრი თუ არა კენჭს თბილისის მერად, ვიქნები “ნაციონალური მოძრაობის”, თუ დამოუკიდებელი კანდიდატი”, – განაცხადა ზაალ უდუმაშვილმა.
რაც შეეხება ტელეკომპანიაში არსებულ ვითარებასთან დაკავშირებულ კითხვებს, უდუმაშვილი პასუხობს, რომ რუსთავი 2-ში რეორგანიზაცია დაწყებულია.
