NASA-მ ირმის ნახტომის გალაქტიკური ცენტრის ახალი ფოტო გამოაქვეყნა,რომელიც ბოლო 20 წლის განმავლობაში დაკვირვების შედეგად მიღებული 370 ფოტოსგან შედგება.
ეს მონაცემები სპეციალისტებმა ტელესკოპ „ჩანდრასა“ და რადიოტელესკოპ MeerKAT-ის მუშაობის შედეგად მიიღეს.
„ჩანდრას“ მიერ აღმოჩენილი რენტგენის სხივები სტაფილოსფერი, იისფერი, მწვანე და ლურჯი ფერებით არის გამოყოფილი, MeerKAT-ისგან მიღებული ინფორმაცია კი იასამნისფრითა და ნაცრისფრით. ახალი გამოსახულება გალაქტიკის უფრო დიდ ფართობს მოიცავს, ვიდრე ძველი ფოტოები.
