ოკუპანტების ავიადარტყმის შედეგად 8 მშვიდობიანი მოქალაქე დაიღუპა
![](https://heretifm.com/wp-content/uploads/2022/03/DABOMBVA-UKRAIN-780x470.jpeg)
უკრაინის ქალაქ იზუმში ოკუპანტების ავიადარტყმის შედეგად 8 მშვიდობიანი მოქალაქე დაიღუპა, მათ შორის 2 ბავშვია.
უკრაინული მედიის ინფორმაციით, აღნიშნულ ქალაქში სამხედრო ობიექტები არ მდებარეობდა.
რუსულმა ძალებმა ქალაქ სუმში სარაკეტო თავდასხმა განახორციელა, რის შედეგადაც 5 ადამიანი დაშავდა
მათივე ცნობით, დაშავებულები საავადმყოფოში არიან გადაყვანილი.
„27-ე საარტილერიო ბრიგადის, სუმგუს სამხედრო დეპარტამენტისა და კადეტთა კორპუსის ტერიტორიაზე ძლიერი სარაკეტო შეტევა განხორციელდა. 5 ადამიანი საავადმყოფოშია,“ – წერს სუმის რეგიონალური სახელმწიფო ადმინისტრაციის ხელმძღვანელი დიმიტრი ჟივიცკი.
აღსანიშნავია, რომ ქალაქ სუმს ამჟამად რუსული ძალები აკონტროლებენ.
შეგახსენებთ, რომ ქალაქ იზუმში რუსმა ოკუპანტებმა ღამით ავიაიერიში მიიტანეს. ისინი საცხოვრებელ კორპუსებს ესროდნენ.