ოკუპანტი პრეზიდენტი ნატო-ს ქვეყნებს სარგებლის მიღების მიზნით ახალი კონფლიქტების პროვოცირებაში სდებს ბრალს
რუსეთის პრეზიდენტი ვლადიმერ პუტინი ნატო-ს ქვეყნებს სარგებლის მიღების მიზნით ახალი კონფლიქტების პროვოცირებაში სდებს ბრალს. მისი თქმით, ისინი ავითარებენ და მოდერნიზებას უწევენ შეტევით შესაძლებლობებს. ამის შესახებ ვლადიმერ პუტინმა საერთაშორისო უსაფრთხოების კონფერენციაზე განაცხადა.
მისი თქმით, ნატო ასევე ერთიანდება AUKUS ბლოკთან, აზია-წყნარი ოკეანის რეგიონში დომინირებისთვის.
„ნატო-ს წევრი ქვეყნები განაგრძობენ შეტევითი შესაძლებლობების განვითარებას და მოდერნიზაციას, მცდელობებს, გადაიტანონ სამხედრო დაპირისპირება კოსმოსსა და საინფორმაციო სივრცეში, გამოიყენონ ზეწოლის სამხედრო და არასამხედრო საშუალებები. ეს ყველაფერი – შეიარაღების კონტროლის სისტემის განადგურების ფონზე ის, თუ სანამდე მივყავართ ცეცხლზე ნავთის დასხმის პოლიტიკას ნათლად ჩანს უკრაინის მაგალითზე. ნეონაცისტური რეჟიმისთვის მილიარდობით დოლარის, აღჭურვილობის, იარაღის, საბრძოლო მასალის მიწოდება, სამხედრო მრჩევლებისა და დაქირავებული ჯარისკაცების გაგზავნა, ყველაფერი კეთდება იმისთვის, რომ კონფლიქტი კიდევ უფრო გაღვივდეს და მასში სხვა სახელმწიფოებიც ჩაითრიონ“, – განაცხადა რუსეთის პრეზიდენტმა
