მნიშვნელოვანი
LIVE: ოკუპირებული აფხაზეთიდან გადმოპარული მამაკაცი გზაში გარდაიცვალა
გალის რაიონის სოფელ ოტობაიიდან გადმოპარული ბესიკ რატია, ზუგდიდისკენ მიმავალ გზაზე, სოფელ კოკთან გარდაიცვალა.
გარდაცვლილის მეზობლის ცნობით, მამაკაცი შეუძლოდ მას შემდეგ გახდა, რაც მდინარე ენგური გადმოლახა. იგი ზუგდიდში მოდიოდა, სადაც ცოლ-შვილი ჰყავს.
“მერამდენე შემთხვევაა, როცა ადმინისტრაციული საზღვრის ჩაკეტვას ადამიანის სიცოცხლე ეწირება. იშვიათი ადამიანი იყო და საოცარი ბუნების. მშობლიურ სოფელში ვერ დავკრძალავთ და ვერც ნათესავები დაიტირებენ”, – ამბობს მეზობელი ჯილდა სექანია.
მისივე ინფორმაციით, გარდაცვლილის ცხედარი ექსპერტიზაზე ქუთაისში გადაასვენეს.
როგორც შს სამინისტროში “ჰერეთს” განუცხადეს, გამოძიება სისხლის სამართლის კოდექსის 115-ე მუხლით დაიწყო.
მოუსმინეთ ჩვენი კორესპონდენტის თეა შონიას ჩართვას ახალ ამბებში
