ომის დაწყებიდან დღემდე ღაზის ტერიტორიაზე უკვე 14 000-ზე მეტი ადამიანია დაღუპული
ღაზის ალ-შიფას საავადმყოფოდან 31 ნაადრევად დაბადებული ჩვილის ევაკუაცია განხორციელდა
ომის დაწყებიდან დღემდე, ღაზის ტერიტორიაზე, უკვე 14 000-ზე მეტი ადამიანია დაღუპული. როგორც BBC “ჰამასზე” დაყრდნობით წერს, საომარ მოქმედებებს უკვე 14 128 ადამიანი შეეწირა. მათგან 5 850 ბავშვია.
დაღუპულთაგან 3 920 ქალია. დაშავდა 33 000-მდე ადამიანი.
დღის განმავლობაში, გააქტიურდა მოლაპარაკებები “ჰამასის” მიერ მძევლად აყვანილი ადამიანების გათავისუფლების შესახებ. აშშ-ის პრეზიდენტის თქმით, “შეთანხმება ძალიან ახლოსაა”. ამავე თემაზე, კომენტარს აკეთებს ბენიამინ ნეთანიაჰუც – ისრაელის პრემიერის განცხადებით, ღაზის სექტორიდან მძევლების გათავისუფლების საკითხზე, ისრაელი პროგრესს აღწევს. “იმედი მაქვს, რომ მალე კარგი ამბები იქნება”, – თქვა მან
ისრაელის პრემიერ-მინისტრი ბენიამინ ნეთანიაჰუ შეხვდა იმ მძევლების ოჯახებს, რომლებიც 7 ოქტომბრიდან ღაზის სექტორში ჰყავს დაკავებული პალესტინურ რადიკალურ დაჯგუფება „ჰამასს“. „ჰამასი“ აშშ-სა და ევროკავშირში ტერორისტულ ორგანიზაციად მიიჩნევა.
ნეთანიაჰუმ თქვა, რომ მან ახლობლებს უამბო დიპლომატიური, სადაზვერვო და ოპერატიული ძალისხმევის შესახებ დატყვევებული ისრაელელების გასათავისუფლებლად. პრემიერ-მინისტრმა აღნიშნა, რომ ისრაელის ხელისუფლება მანამდე იმუშავებს „ჰამასის“ მიერ დატყვევებული პირების გათავისუფლებაზე, სანამ წარმატებას მიაღწევს.
გარდა ამისა ღაზის ალ-შიფას საავადმყოფოდან 31 ნაადრევად დაბადებული ჩვილის ევაკუაცია განხორციელდა. 12 ბავშვი მკურნალობისთვის ეგვიპტის დედაქალაქ კაიროში გადაიყვანეს. WHO აცხადებს, რომ ყველა მათგანი ებრძვის “სერიოზულ ინფექციებს” და სხვა პრობლემებს.
16 ბავშვი ჩრდილოეთ ეგვიპტის ალ-არიშის ჰოსპიტალშია მოთავსებული, ხოლო სამი ჯერ კიდევ სამხრეთ ღაზაშია და მკურნალობენ ემირატის საავადმყოფოში.
ისრაელის ძალებმა ალ-შიფა გასულ კვირას დაიკავეს. კლინიკაში რამდენიმე ჩვილი დაიღუპა მას შემდეგ, რაც ინკუბატორები გაითიშა არსებული კოლაფსის ფონზე.
ისრაელი აცხადებს, რომ კლინიკას “ჰამასი” იყენებდა. ქვეყნის თავდაცვის ძალებმა გაავრცელა კადრები და აჩვენა, რომ კლინიკის ქვეშ იყო გვირაბი, ასევე ვიდეო, სადაც ნაჩვენებია, რომ 7 ოქტომბერს იქ მძევლები შეიყვანეს.
ასობით პაციენტმა, სამედიცინო პერსონალმა და იძულებით გადაადგილებულმა ადამიანმა დატოვა შიფა შაბათ-კვირას, ექიმებმა განაცხადეს, რომ ისინი ჯარებმა განდევნეს, ხოლო ისრაელმა თქვა, რომ გამგზავრება ნებაყოფლობითი იყო.
ეგვიპტის ტელეკომპანია Al Qahera-ს ეთერში გაშვებული პირდაპირი კადრები აჩვენა, რომ სამედიცინო პერსონალი ფრთხილად აწევს ჩვილებს სასწრაფო დახმარების მანქანის შიგნიდან და ათავსებს მათ მობილურ ინკუბატორებში, რომლებიც შემდეგ ავტოსადგომზე გადაადგილდებიან სხვა სასწრაფო დახმარების მანქანებისკენ
