სპორტი

უეფა ბათუმის „დინამოს“ ინციდენტების გამო სოლიდური ჯარიმით დასჯის

ბათუმის „დინამოს“ ადმინისტრაციამ კონფერენს ლიგაზე გასამართი მომავალი მატჩის წინ საკუთარი ქომაგები სასტიკად გააფრთხილა.

„ბატესთან“ მატჩის წინ კლუბის ხელმძღვანელობამ გულშემატკივარს მიმართა. „ძვირფასო გულშემატკივრებო, კონფერენს ლიგის საკვალიფიკაციო ეტაპზე „დინამო“-„ტრე პენეს“ მატჩი მოედანზე ქომაგების შეჭრის გამო რამდენიმეჯერ შეჩერდა. აღნიშნული ფაქტების გამო ჩვენი კლუბი უეფასგან სოლიდური ფულადი ჯარიმით დაისჯება, ინციდენტის განმეორების შემთხვევაში კი, დამატებითი სანქციები ემუქრება. ქომაგების მოედანზე შეჭრის ფაქტის განმეორების შემთხვევაში უეფა-ს სადისციპლინო კომიტეტი, დიდი ალბათობით, აკრძალავს მატჩებზე გულშემატკივრების დასწრებას და ჩვენს ახალ არენას დისკვალიფიკაციას მიუსჯის“, – წერია ბათუმის „დინამოს“ განცხადებაში.

ყველაფერი ამის გამო აჭარული კლუბის ადმინისტრაცია ფანებს თავშეკავებისკენ მოუწოდებს და თხოვს, რომ დაემორჩილონ სტადიონზე მოქცევის წესებს და კოვიდ-რეგულაციებს.

შეგახსენებთ, რომ გია გეგუჩაძის გუნდი „ბატეს“ 22 ივლისს ბათუმი-არენაზე“ უმასპინძლებს, 29 ივლისს კი საპასუხო შეხვედრაში ბორისოვოში ესტუმრება.

მსგავსი პოსტები

Back to top button