მალტამ ტურისტული ღირსშესანიშნაობა დაკარგა [VIDEO]

მალტის კუნძულ გოზოზე ძლიერი შტორმის შედეგად ლაჟვარდოვანი ფანჯარა – 28-მეტრიანი ბუნებრივი წარმოშობის კირქვის თაღი ჩამოინგრა, – იუწყება The Times of Malta.
მალტის პრემიერ-მინისტრმა Twitter-ში დაწერა: „წლების მანძილზე შედგენილი ანგარიშების თანახმად, ბუნებრივი ლანდშაფტის ძეგლი ძლიერი ეროზიით იყო დაზიანებული. კლდე ადრე თუ გვიან მაინც ჩამოინგრეოდა. და აი, მწუხარების დღეც დაგვიდგა“.
გოზოს ტურიზმის ასოციაციის განცხადებაში ნათქვამია, რომ ყვითელი კირქვის თაღის ჩამონგრევა გარდაუვალი იყო და მალტამ ერთ-ერთი ყველაზე მიმზიდველი ტურისტული ობიექტი დაკარგა.
აღსანიშნავია, რომ ლაჟვარდოვანი ფანჯარა ნაჩვენებია ისეთ ფილმებში, როგორებიცაა „სამეფო ტახტის თამაშები“, „ოდისეა“ (1997), „ტიტანთა ბრძოლა“ (1981) და „გრაფი მონტე-კრისტო“ (2002).

მსგავსი პოსტები

Back to top button