რეგიონი

კახეთში ხე-ტყის უკანონო მოპოვების 49 ფაქტი გამოვლინდა

კახეთში ხე-ტყის უკანონო მოპოვების 49 ფაქტი გამოვლინდა.
გარემოსდაცვითი ზედამხედველობის დეპარტამენტის თანამშრომლებმა ხე-ტყის უკანონო მოპოვების ფაქტები, ლაგოდეხში, სიღნაღში, თელავში, საგარეჯოში, ახმეტაში, ყვარელსა და გურჯაანში აღმოაჩინეს.

შვიდივე მუნიციპალიტეტში მოქალაქეები, სხვადასხვა ჯიშის ხეებისგან უკანონოდ ამზადებდნენ მორს და ტრანსპორტირებას ახორციელებდნენ.

მოჭრილ ხეებს შორის აღმოჩნდა მუხის ხისგან დამზადებული მორებიც, რაც საქართველოს კანონმდებლობით აკრძალულია.
ყველაზე მეტი, 19 კუბური მეტრი საშეშე მერქანი და მორი, ლაგოდეხის მუნიციპალიტეტის ხუთი სოფლის მიმდებარე ტყეში მოიჭრა.

ავტომობილები, რომლითაც ხე- ტყის ტრანსპორტირება ხორციელდებოდა, ამ დროისათვის დალუქულია.
სამართალდამრღვევების მიმართ შედგენილია სათანადო ოქმები, რომელთა შორის სისხლის სამართლის დანაშაულის ნიშნებიცაა გამოიკვეთილი.

ფაქტებზე შემდგომი რეაგირება, სამართლადმცავმა უწყებებმა უნდა მოახდინონ.

მსგავსი პოსტები

Back to top button