“ქართულ ოცნებას პარლამენტში 37 მილიონერი დეპუტატი ჰყავს, ოპოზიციას 4”
“ქართული ოცნების 115 დეპუტატიდან 37 მილიონერია, ანუ მათი უძრავ-მოძრავი ქონების ღირებულება და საბანკო ანგარიშებზე განთავსებული დანაზოგები 1 მილიონ ლარს აჭარბებს. 4 მილიონერი დეპუტატი ჰყავს საპარალამენტო ოპოზიციას”, – ამის შესახებ მონიტორინგის ცენტრ “მედიატორის” და პარტია “ახალი საქართველოს” კველვაშია ნათქვამი, რომელიც დღეს გასაჯაროვდა. ამავე კვლევის მიხედვით, 6 მილიონერია საქართველოს მთავრობაშიც.
“მედიატორის” წარმომადგენლის სოფო მუზაშვილის განცხადებით, “ქართული ოცნების” დეპუტატების 35%, ანუ ყოველი მესამე არის დეკლარირებული მილიონერი.
“1. შოთა შალელაშვილი – 34. 907.760 ლარი
2. გორის მაჟორიტარი დეპუტატი იოსებ მაკრახიძე – 13 მლ. ლარი
3. კრწანისის მაჟორიტარი დეპუტატი ბექა ოდიშარია – 12.414.270 ლარი
4. პარლამენტის დეპუტატი ლევან კობიაშვილი –10 მილ. ლარი
5. ქუთაისის ერთ-ერთი ოლქის მაჟორიტარი დეპუტატი კობა ნარჩემაშვილი – 7.672.000 ლარი
კვლევაში საუბარია მილიონერ მინისტრებზეც:
1. კახა კალაძე – 36.604.500 ლარი
2. ტარიელ ხეჩიკაშვილი – 11.253.000 ლარი
3. ქეთევან ციხელაშვილი – 9.748.000 ლარი
4. გიორგი გახარია – 5.019.000 ლარი
5. ზურაბ ალავიძე – 2.442.000 ლარი
6. დიმიტრი ქუმსიშვილი – 1.965.000 ლარი“,- აცხადებენ კვლევის ავტორები.
მონიტორინგის ცენტრ “მედიატორისა” და “სამოქალაქო პლატფორმა – ახალი საქართველოს” კვლევაში მოექცნენ ასევე ოპოზიციური პარტიების წარმომადგენლები.
ჩამონათვალში პირველ ადგილს იკავებს “პატრიოტთა ალიანსის” დეპუტატი ნატო ჩხეიძე, მილიონერებს შორის არიან “ერთიანი ნაციონალური მოძრაობის” წევრი კობა ნაყოფია და ფრაქცია “ევროპული საქართველოს” წევრები სერგო რატიანი და აკაკი ბობოხიძე.
“1. ნატო ჩხეიძე – 51.039.798 ლარი
2. კობა ნაყოფია – 8.033.500 ლარი
3. სერგო რატიანი – 1.560.900 ლარი
4. აკაკი ბობოხიძე – 1.219.450“, – განაცხადეს კვლევის ავტორებმა.
დასახელებული პირები კვლევის შედეგებს ჯერ არ გამოხმაურებიან.