,,ქართველები ისტორიას კიდევ ერთხელ წერენ,,-როთი

თბილისში მიმდინარე ევროპულ მარშს გერმანიის ბუნდესტაგის წევრი, მიხაილ როთი სოციალურ ქსელში გამოქვეყნებული ვიდეოთი გამოეხმაურა და აღნიშნა, რომ ქართველები ისტორიას კიდევ ერთხელ წერენ.

“ქართველები ისევ ისტორიას წერენ! დღეს ათიათასობით ადამიანი დემონსტრაციას თავისუფალი, დემოკრატიული და ევროპული საქართველოსთვის მართავს. თბილისი ევროპის ნამდვილი დედაქალაქია. გმადლობთ”, – წერს როთი.

ქართული არჩევნები სრულიად ქართველი ხალხის ხელშია, ევროკავშირი არ არის ჩართული საპარლამენტო არჩევნებში და არცერთ პოლიტიკურ პარტიას მხარს არ უჭერს, – „იმედის“ ინფორმაციით, ეს პასუხი მიიღო „ქრონიკამ“ ევროკავშირის საელჩოდან სალომე ზურაბიშვილის განცხადებასთან დაკავშირებულ კითხვაზე.
„თქვენს კითხვაზე გპასუხობთ, რომ ევროკავშირის დელეგაციას იმეორებს იმას, რაც ბევრჯერ უთქვამს, რომ ქართული არჩევნები სრულიად ქართველი ხალხის ხელშია. ევროკავშირი არ არის ჩართული საპარლამენტო არჩევნებში და არცერთ პოლიტიკურ პარტიას მხარს არ უჭერს.
ჩვენ აგრეთვე ვიმეორებთ, რომ ევროკავშირი ღიაა კონსტურქციულად მუშაობისთვის ნებისმიერ დემოკრატიულად არჩეულ მთავრობასთან.
რაც შეეხება მომავალ მთავრობას, რომელიც განაახლებს საქართველოს ევროკავშირში ინტეგრაციის პროცესს, ეს შესაძლებელია, მოხდეს მხოლოდ ძირითადი ფასეულობებზე დაყრდნობით, რაზეც დგას ევროკავშირი: თავისუფლება, დემოკრატია, კანონის უზენაესობა და ადამიანის უფლებები”, – აღნიშნულია საელჩოს პასუხში.
ტელეკომპანია „იმედის“ ცნობით, „ქრონიკამ“ საელჩოს მიმართა კითხვით – „საქართველოს პრეზიდენტმა, სალომე ზურაბიშვილმა გუშინ განაცხადა, რომ საქართველოში ევროკავშირის ელჩს შეხვდა. სალომე ზურაბიშვილის თქმით, პაველ ჰერჩინსკი მხარს უჭერს ქარტიას და მის სამოქმედო გეგმას. თუ შეიძლება განგვიმარტოთ, ადასტურებთ თუ არა პრეზიდენტის განცხადებას და ეთანხმებით თუ არა ტექნიკური მთავრობის შექმნას და რიგგარეშე არჩევნების ჩატარებას საქართველოში?“.

“ძალიან შთამბეჭდავია იმის ნახვა, თუ როგორ გამოვიდა ოპოზიცია და საქართველოს მრავალი მოქალაქე, უკვე მერამდენედ ბოლო თვეების განმავლობაში, საქართველოს ევროპულ გზაზე დასაბრუნებლად”
– წერს ყოფილი ევროპარლამენტარი რებეკა ჰარმსი X-ზე და თბილისში მიმდინარე ევროპულ მარშს ეხმაურება.