ქუთაისში სასულიერო პირის სახლიდან 2 ძირი მარიხუანა ამოიღეს
ქუთაისში სასულიერო პირის სახლში ჩხრეკა განხორცილდა – მარიხუანას პირადი მოხმარების ფაქტზე.
დიაკონმა, გიორგი ჯახუამ, “გირჩის” ოფისში ბრიფინგი გამართა. მისი თქმით, იგი კანაფს ჯანმრთელობის რთული მდგომარეობის გასაუმჯობესებლად იყენებდა – ჰეპატიტის, დიაბეტისა და ავთვისებიანი სიმსივნის სამკურნალოდ.
დიაკონმა სამართალდამცავები უფლებამოსილების გადამეტებაში დაადანაშაულა. ჯახუას თქმით, პოლიციელებმა შენახული კანაფის წინ დააყენეს, და “სელფის” გადაღება აიძულეს.
პოლიციელებმა, 2 ძირ კანაფთან ერთად, წაიღეს ანტიკვარული იარაღი, რომელიც უკვე გამოუსადეგარი იყო და რომელსაც ბავშვის სათამაშოდ იყენებდნენ.
სასულიერო პირს “გირჩის” იურისტი დაიცავს.
გიორგი ჯახუას თქმით, შემთხვევა 17 იანვარს, ღამის საათებში მოხდა.
