“სადაც აი მასამ არ დაფარა ისეთი ადამიანი გადარჩა”-15 წუთში დაიწყებდი თუ ერთ საათში ძებნას აზრი არ ექნებოდა
ქართული ოცნების დეპუტატის, მიხეილ სარჯველაძის მტკიცებით, მას არ ჰგონია, რომ დაუყოვნებლი რეაგირებას ადამიანების გადარჩენაზე რაიმე გავლენა მოეხდინა. – ვერ ვხედავ ახსნას, როგორ შეიძლება არგუმენტირებული იყოს, 15 წუთში დაიწყებდი თუ ერთ საათში ძებნას, იმ მასის გათვალისწინებით, ამას რა გავლენა შეიძლება ჰქონოდა პერსპექტივების თვალსაზრისით.
როგორც მან ამ კონტექსტში აღნიშნა, სტიქიას ის ადამიანები გადაურჩნენ, ვინც იმ წუთას ისეთ ადგილას იყვნენ, “სადაც მასამ არ დაფარა”.
სარჯველაძის თქმით, “ვინც იქ უშუალოდ არ დაფარულა, ყველა გადარჩა და არც ერთი ასეთი შემთხვევა არ ყოფილა, რომ მაგალითად, რამდენიმე საათის დაგვიანებით აღმოჩენილიყო დაღუპული”.
“ვინც უშუალოდ არ დაფარულა [მასით], ყველა გადარჩა. იქ ხომ არც ერთი ასეთი შემთხვევა არ ყოფილა, რომელიც რამდენიმე საათის მოგვიანებით შეიძლება, აღმოჩენილიყო დაღუპული და ა.შ. გულწრფელად რომ გითხრათ, ვერ ვხედავ ახსნას, როგორ შეიძლება ეს არგუმენტირებული იყოს, რომ მაგალითად 15 წუთში დაიწყებდი ძებნას თუ 1 საათში იმ მასის გათვალისწინებით, ამას რა გავლენა შეიძლება ჰქონოდეს პერსპექტივების თვალსაზრისით.
ვინც იმ წუთას იყო ისეთ ადგილას, სადაც აი, ამ მასამ არ დაფარა, ისეთი ადამიანი გადარჩა. თქვენ რომ გქონდეთ შემთხვევა, რომ მაგალითად იქ მატულობდა დროთა განმავლობაში რაღაც მასა და მომენტალურად რაც არ ჩამოწვა, ამ შემთხვევაში აზრი ექნებოდა ამ ლაპარაკს, ასე ხომ ნამდვილად აზრი არ აქვს. იქ რაც მოხდა იმ წუთებში, იქ დაუყოვნებლივ რეაგირებას არ მგონია, რომ გავლენა ჰქონოდა რომელიმე ადამიანის [გადარჩენაზე]” – ამბობს სარჯველაძე.
შოვში მომხდარი სტიქიის შემდეგ საქართველოს მთავრობას დაგვიანებული რეაქციის გამო აკრიტიკებენ. მთავრობა ამ კრიტიკას არ იღებს და ამბობს, რომ პირიქით, სამუშაოები დაუყოვნებლივ დაიწყო. რაც შეეხება უშუალოდ პროცესში ვერტმფრენების ჩართვას, პარლამენტის თავმჯდომარემ თქვა, რომ “სულ რაღაც 3 საათში მივიდა ვერტმფრენი”.
