იტალიელმა საყვარელ ქალს სარვამარტოდ თირკმელი აჩუქა [Video]
სარვამარტო დღესასწაულისთვის, რომელიც აპენინის ნახევარკუნძულზე ფართოდ აღინიშნება, 52 წლის იტალიელმა თავის 44 წლის შეყვარებულს თაიგულის ნაცვლად თირკმელი აჩუქა.
ადგილობრივი პრესის ინფორმაციით, ქალაქ ტურინის Molinette-ს საავადმყოფოში პაციენტი ქალბატონი, რომელიც თანდაყოლილი დაავადებით – თირკმლების პოლიკისტოზით იტანჯებოდა, სასწრაფო სამედიცინო ჩარევას საჭიროებდა. ექიმებმა 2 თვის წინ თირკმლის დონორის ძებნა დაიწყეს, მაგრამ მათი ცდა უშედეგოდ დასრულდა.
სასიკვდილოდ განწირული პაციენტი ქალის გადარჩენა მისმა საყვარელმა მამაკაცმა გადაწყვიტა და თირკმლის დონორობა გაუწია. მედიკოსებმა საჭირო გამოკვლევა ჩაატარეს და თირკმლის ტრანსპლანტაციის გადაწყვეტილება მიიღეს.
ოპერაციამ წარმატებით ჩაიარა, პაციენტები ექიმების მეთვალყურეობის ქვეშ იმყოფებიან და საავადმყოფოდან რამდენიმე დღეში გაეწერებიან.
საავადმყოფოს თანამშრომლების თქმით, მამაკაცის საქციელი დიდი სიყვარულიის გამოვლინების ნიშანია, რადგან მან ოპერაცია სარვამარტო დღესასწაულს დაამთხვია.
