ბიძინა კუჭავას მეუღლე პირველ კომენტარს აკეთებს
ბიძინა კუჭავას ოჯახის წევრები გამოძიებას უნდობლობას უცხადებენ. კუჭავას მეუღლე მარინა ნიკოლოზაშვილი ამბობს, რომ ის გამორიცხავს როგორც ბიძინა კუჭავას მიერ ვახტანგ ქირიას მკვლელობას, ასევე კუჭავას თვითმკვლელობას.
მარინა ნიკოლოზაშვილი ამბობს, რომ პროკურატურაში 18 საათის განმავლობაში იკითხებოდა, ხოლო დაკითხვის დასრულებამდე მისთვის უცნობი იყო მისი მეუღლის გარდაცვალების შესახებ: “აბსურდია, ვახტანგ ქირიას მკვლელობა. ჩვენ ოჯახებით ახლო ურთიერთობა გვქონდა”, – განაცხადა ნიკოლოზაშვილმა. ბიძინა კუჭავას ოჯახის წევრებმა მედიასთან კომენტარი მათივე სურვილით გააკეთეს. მათი თქმით, ექსპერტიზის პასუხის შემდეგ პრესას დამატებით ინფორმაციას მიაწვდიან.
მოკლული პროკურორის, ვახტანგ ქირიას, ოჯახის ახლობლებისთვის უცნობია მისი მკვლელობის მოტივი, ასევე არ აქვთ ინფორმაცია ნათესაობის გარდა, რაიმე აკავშირებდათ თუ არა ქირიას და კუჭავას ერთმანეთთან. ქირიას ოჯახის ახლობლების თქმით, მათ არც საერთო ბიზნესის შესახებ სმენიათ რაიმე. ოჯახი გამოძიების დასრულებას ელოდება. ისინი დამნაშავეების დასჯას ითხოვენ.
