რკინიგზის ხიდს სატვირთო მანქანა დაეჯახა

ხაშური-ლიხის მონაკვეთზე სატვირთო ავტომობილმა სარკინიგზო ხიდი დააზიანა, რის გამოც ფოთი-თბილისის რეისი დაგვიანებით შესრულდა.

“საქართველოს რკინიგზის” ინფორმაციით, ტერიტორიაზე აღდგენითი სამუშაოები ჩატარდა, რამაც მატარებლების მოძრაობის დროებითი შეჩერება გამოიწვია.

შინაგან საქმეთა სამინისტრომ მომხდარზე გამოძიება 188-ე მუხლით დაიწყო, რაც ნივთის გაუფრთხილებლობით დაზიანებას ან განადგურებას გულისხმობს.