რუსეთის მიზანია უკრაინაში კონფლიქტის დასრულება
კიევს მალე რეზერვები აღარ ექნება
რუსეთის პრეზიდენტის ვლადიმერ პუტინის განცხადებით, აშშ-ის გადაწყვეტილება, უკრაინას Patriot-ის საზენიტო-სარაკეტო სისტემებით მიაწოდოს, „უბრალოდ ახანგრძლივებს კონფლიქტს“. ამის შესახებ მან მოსკოვში გამართულ პრესკონფერენციაზე განაცხადა.
პუტინმა Patriot-ს უწოდა „საკმაოდ ძველი სისტემა“, რომელიც, მისი თქმით, არ მუშაობს რუსეთის С-300-ის მსგავსად.
„ვინც გვეწინააღმდეგება, გამომდინარეობს იქიდან, რომ ეს არის ვითომ თავდაცვითი იარაღი. კარგი, კარგი, ჩვენ ამას უბრალოდ მხედველობაში მივიღებთ. შხამის საწინააღმდეგო ყოველთვის მოიძებნება. ამიტომ, ვინც ამას აკეთებს, ამაოდ აკეთებს. ეს მხოლოდ კონფლიქტის გახანგრძლივებაა და მეტი არაფერი“, – განაცხადა მან.
დღევანდელ პრესკონფერენციაზე პუტინმა ასევე განაცხადა, რომ რუსეთის მიზანია უკრაინაში კონფლიქტის დასრულება.
„ჩვენი მიზანია ამ კონფლიქტის დასრულება. ჩვენ ამისკენ ვისწრაფვით და გავაგრძელებთ სვლას. ჩვენ ვეცდებით, რომ ეს დასრულდეს და რაც უფრო მალე, მით უკეთესი. რა თქმა უნდა“ , – განაცხადა პუტინმა სახელმწიფო საბჭოს სხდომის შემდეგ.
გარდა ამისა რუსეთი ხარჯავს სამხედრო მარაგებს, ეს დიდი ციფრებია, მაგრამ განსხვავება უკრაინის სამხედრო-სამრეწველო კომპლექსთან შედარებით, დიდია – კიევს მალე რეზერვები აღარ ექნება. ამის შესახებ რუსეთის პრეზიდენტმა ვლადიმერ პუტინმა განაცხადა.
ვლადიმერ პუტინს კონკრეტული ციფრები არ დაუსახელებია.
„ახლა არ მოგიყვანთ ციფრებს, თუ რამდენ, ვთქვათ, ჭურვს ვხარჯავთ დღეში. ეს არის დიდი რიცხვები, მაგრამ განსხვავება ჩვენს და მათ შორის, ვინც გვეწინააღმდეგება, არის ის, რომ, ვთქვათ, უკრაინული სამხედრო – სამრეწველო კომპლექსი, თუ ჯერ კიდევ მთლიანად არ არის განულებული, მაშინ ამისკენ სწრაფად მიიწევს. მალე საკუთარი ბაზა აღარ ექნებათ“, – განუცხადა მან ჟურნალისტებს.
პუტინმა დასძინა, რომ რუსეთის ბაზა „მხოლოდ იზრდება“ და ის გაიზრდება.
პუტინის თქმით, უკრაინისგან განსხვავებით, რუსეთმა ბოლო ათწლეულების განმავლობაში თავდაცვის ინდუსტრია, სამხედრო მეცნიერება და ტექნოლოგია განავითარა.
კრემლის ლიდერმა დღესვე განაცხადა, რომ ყველა შეიარაღებული კონფლიქტი მოლაპარაკებებით მთავრდება და რაც უფრო მალე გახდება ეს კიევისთვის ნათელი, მით უკეთესი.
„ყველა შეიარაღებული კონფლიქტი ასე თუ ისე მთავრდება მოლაპარაკებებით, დიპლომატიური გზით. ჩვენ (მოლაპარაკებებზე) არასდროს გვითქვამს უარი” , – განაცხადა პუტინმა პრესის წარმომადგენლებთან საუბრისას.
მან ყურადღება გაამახვილა იმ ფაქტზე, რომ ადრე თუ გვიან კონფლიქტის ყველა მხარე თანხმდება.
„რაც უფრო მალე გააცნობიერებენ მოწინააღმდეგეები, მით უკეთესი“, – აღნიშნა რუსეთის პრეზიდენტმა.
