საბერძნეთის ფინანსთა სამინისტრომ კრედიტორები ტერორიზმში დაადანაშაულა
![](https://heretifm.com/wp-content/uploads/2015/07/sabardzneti.jpg)
ფინანსთა მინისტრის აზრით, ევროკავშირი და სხვა კრედიტორები საბერძნეთის დამცირებას ცდილობენ.
საბერძნეთის ფინანსთა მინისტრმა იანის ვარუფაკისმა, საბერძნეთის მიმართ საერთაშორისო კრედიტორების მოქმედებას, ტერორიზმიც უწოდა.
„რასაც ისინი სჩადიან – საბერძნეთის დატერორების ტოლფასია, – განუცხადა ვარუფაკისმა ესპაეთის გაზეთ El Mundo -ს.
„ბანკების დახურვა რატომ გვაიძულეს? იმიტომ, რომ ხალხს შიში ჩაუნერგონ და როცა საქმე შიშის გავრცელებამდე მიდის, ასეთ ფენომენს ტერორიზმი ჰქვია“, – დააზუსტა ვარუფაკისმა.
შეგახსენებთ: საბერძნეთში 5 ივლისს რეფერენდუმი გაიმართება. ამ რეფერენდუმზე მოსახლეობამ უნდა გადაწყვიტოს, თუ როგორი ურთიერთობა ექნება ქვეყანას თავის კრედიტორებთან.