საქართველოსიახლეები

“მშვიდობაში კაბინეტები და თანამდებობები”

ვიცე-სპიკერის ვაკანტურ თანამდებობაზე გადასვლის შეთავაზების იდეა ირაკლი კობახიძისგან მოდის, მაგრამ ამ იდეის მოფიქრების დროს ის ალბათ მარტო არ იყო, – ამის შესახებ პარლამენტის იურიდიულ საკითხთა კომიტეტის ყოფილმა თავმჯდომარემ ეკა ბესელიამ “ტვ პირველის“ ეთერში განაცხადა.

“ეს იყო მცდელობა იმისა, რომ ჩემი კომიტეტის თავმჯდომარეობიდან წასვლის მომხიბვლელი გზა ეჩვენებინათ, რაზეც მაშინაც გამეღიმა და ვთქი, რომ თანამდებობები არ მაინტერესებს და პოლიტიკაში კომფორტისთვის არ მოვსულვარ. კომფორტის ზონიდან მაშინ გავედი, როცა თავისუფალი პროფესია მქონდა და მხოლოდ ჩემს თავს ვეკუთვნოდი. ვიყავი ადვოკატი და წავედი ბრძოლის ველზე. ვთქვი, რომ ჩემთვის კომფორტის ზონაში გადასვლა საინტერესო არ არის. ვთქვი, რომ მზად ვარ, საერთოდ წავიდე პოლიტიკიდან, საერთოდ წავიდე სახლში, მაგრამ უნდა ვიყო დარწმუნებული, რომ ეს სამართლიანობის იდეას არ გაამრუდებს და კომიტეტს არ დავტოვებთ, მაგალითად ვანო ზარდიაშვილის ხელში“, – განაცხადა ეკა ბესელიამ.

დეპუტატის შეფასებით, გუნდში ადგილი აქვს არა ძველებისა და ახლების დაპირისპირებას, არამედ ფასეულობათა და ღირებულებათა შორის წინააღმდეგობას.

პარლამენტის იურიდიულ საკითხთა კომიტეტის თავმჯდომარე იმასაც ამბობს, რომ ის და მისი მეგობრები ყველაფერს გააკეთებენ, რომ პარლამენტში იუსტიციის უმაღლესი საბჭოს მიერ წარდგენილი მოსამართლეთა სია არ დამტკიცდეს. ბესელიამ კიდევ ერთხელ აღნიშნა, რომ სია პარლამენტიდან გასაწვევია.

მოისმინეთ ეკა ბესელიას განცხადება, რომელიც მან “ტვ პირველის” ეთერში გააკეთა.

დღესვე, საპარლამენტო უმრავლესობაში არსებულ დაპირისპირებასთან დაკავშირებით, კომენტარი გააკეთა პარლამენტის თავმჯდომარემ. ირაკლი კობახიძე დიალოგისთვის მზადყოფნას გამოთქვამს, თუმცა ამავდროულად თანაგუნდელს გასულ წელს, დავით ჭიჭინაძესთან არსებულ უთანხმოებას ახსენებს, რომელიც მისი პარტიიდან გარიცხვით დასრულდა.

საკანონმდებლო ორგანოს ხელმძღვანელი მომხდარის გამეორებას არც ამ შემთხვევაში გამორიცხავს. კობახიძე აქვე განმარტავს, რომ რომელიმე დეპუტატის გუნდიდან გარიცხვა „ქართული ოცნების“ რღვევას არ გამოიწვევს.

მსგავსი პოსტები

Back to top button