თურქული ქალაქი დაიბომბა – თურქეთმა საპასუხო ცეცხლი გახსნა [Photo/Video]

თურქეთის ტერიტორიაზე, სასაზღვრო ქალაქ კილისში, სირიის მხრიდან გამოშვებულმა რაკეტებმა რამდენიმე ადამიანი დააშავა. წინასწარი მონაცემებით, ერთი ჭურვი საცხოვრებელ სახლს მოხვდა. ინციდენტის შედეგად რამდენიმე ადგილობრივი მკვიდრი დაიჭრა, – იუწყება Reuters.

ჟურნალისტები აღნიშნავენ, რომ ჯერჯერობით უცნობია, რაკეტები კონკრეტულად საიდან იყო გამოშვებული – “ისლამური სახელმწიფოს” მიერ კონტროლირებადი თუ სირიის სამთავრობო ჯარების მიერ დაკავებული ტერიტორიიდან.

აგრესიული აქტის საპასუხოდ, თურქეთის მხარემ გადაწყვეტილება მიიღო, რათა სირიის ტერიტორია დაებომბა.

ადგილობრივი ტელეარხი NTV იუწყება, რომ თურქეთმა საპასუხო დარტყმა მხოლოდ ISIS-იმ მიერ კონტროლირებად ტერიტორიაზე მიიტანა.

თურქული სააგენტო Anadolu-ს ინფორმაციით, კილისის დაბომბვის შედეგად 12 ადამიანი დაშავდა. ადგილზე საგანგებო სიტუაციათა სამსახური და სამართალდამცველები მუშაობენ. წინასწარი მონაცემებით, სირიის მხრიდან 3 ჭურვი გამოუშვეს – ერთი საცხოვრებელ სახლს მოხვდა, მეორე ნაგავსაყრელს, ხოლო მესამის შესახებ იფორმაცია არ ვრცელდება.

აღასანიშნავია, რომ ქალაქ კილისში მსგავსი ინციდენტი 7 აპრილსაც მოხდა, როცა სირიის ტერიტორიიდან გამოშვებული რაკეტა საცხოვრებელ სახლს მოხვდა. მაშინ კილისის 2 მკვიდრი დაშავდა.

[inpost_gallery thumb_width=”200″ thumb_height=”200″ post_id=”33163″ thumb_margin_left=”0″ thumb_margin_bottom=”0″ thumb_border_radius=”2″ thumb_shadow=”0 1px 4px rgba(0, 0, 0, 0.2)” js_play_delay=”3000″ id=”” random=”0″ group=”0″ border=”” type=”yoxview” show_in_popup=”0″ album_cover=”” album_cover_width=”200″ album_cover_height=”200″ popup_width=”800″ popup_max_height=”600″ popup_title=”Gallery”][/inpost_gallery]

მსგავსი პოსტები

Back to top button