სამეგრელოში სასარგებლო წიაღისეულის უკანონო მოპოვების ფაქტი გამოვლინდა

გარემოსდაცვითი ზედამხედველობის დეპარტამენტის სამეგრელო-ზემო სვანეთის რეგიონული სამმართველოს თანამშრომლებმა სასარგებლო წიაღისეულის უკანონო მოპოვების ფაქტი გამოავლინეს.

უწყების ცნობით, სენაკის მუნიციპალიტეტის სოფელ ახალსოფელში, მდინარე ტეხურას სანაპიროზე, მოქალაქემ ექსკავატორის გამოყენებით 4 მ3 ქვიშა-ხრეში უკანონოდ მოიპოვა.

ამავე ინფორმაციით, შედგა შესაბამისი აქტი, ხოლო ტრაქტორი დაილუქა.