სანქტ პეტერბურგში Wildberries-ის მზა პროდუქციის საწყობს ცეცხლი გაუჩნდა
სანქტ პეტერბურგში Wildberries-ის მზა პროდუქციის საწყობს ცეცხლი გაუჩნდა.
როგორც რუსული მედია საგანგებო სიტუაციების სამსახურებზე დაყრდნობით წერს, ხანძრის ფართობი 70 ათასი კვადრატული მეტრია. ხანძარს მიენიჭა სირთულის მაქსიმალური, მეხუთე რანგი. საგანგებო სიტუაციების სამინისტროს ცნობით, ხანძრის გამომწვევი მიზეზი ჯერჯერობით უცნობია, მათი ინფორმაციით, მსხვერპლი არ არის. საწყობი მდებარეობს პუშკინსკის რაიონში მოსკოვსკოეს გზატკეცილზე.
როგორც იუწყებიან, ხანძარს მოჰყვა ნგრევაც. ცეცხლის ჩაქრობაში ჩართულია 270 ადამიანი და 57 ერთეული ტექნიკა.
ვრცელდება ცნობა, რომ მეხანძრეებმა არ დაუშვეს, ხანძარი საწყობიდან ავტოსადგომსა და ახლომდებარე ელექტროსადგურზე გავრცელებულიყო.
ჯერ დაშავებულების შესახებ ინფორმაცია არ ვრცელდება. Wildberries-ში აცხადებენ, რომ საწყობიდან მოქალაქეების ევაკუაცია დროულად განხორციელდა და მათი ზარალის კომპენსაცია მოხდება.
ტელეგრამარხ SHOT-ის ცნობით, ხანძარი საწყობის გვერდით მდებარე სატვირთო მანქანის სადგომთან ახლოს გაჩნდა. არხის ცნობით, ხანძრის ჩაქრობას ცდილობს 422-ზე მეტი მაშველი 90 ერთეული ტექნიკით. სანკტ-პეტერბურგის პუშკინსკის უბნის ცა მთლიანად შავია.
ტელეგრამის არხუ „ბაზა“ კი წერს, რომ ხანძარი ტანსაცმლის საწყობის მე-7 სართულზე გაჩნდა.
