კრივოი როგზე რუსული სარაკეტო თავდასხმის შედეგად დაშავებულთა რიცხვი გაიზარდა

უკრაინაში ომის 563-ე დღე კრივი რიჰზე თავდასხმით დაიწყო. დნეპროპეტროვსკის ოლქის ქალაქ კრივი რიჰზე ოკუპანტების თავდასხმის შედეგად დაშავებულთა რიცხვი 74-მდე გაიზარდა. ამის შესახებ ინფორმაციას უკრაინული მედია ავრცელებს.

“გუშინდელი სარაკეტო თავდასხმის შედეგად დაშავებულთა რიცხვი 74-მდე გაიზარდა. 34 ადამიანი საავადმყოფოშია გადაყვანილი, მათგან 3 მძიმე მდგომარეობაშია. მათ ყველა საჭირო დახმარება უტარდებათ

[ამ დროისთვის] კრივი რიჰში ყველა მნიშვნელოვანი ინფრასტრუქტურა, საზოგადეობრივი ტრასნპორტი, სოციალური და სამედიცინო დაწესებულებები სტაბილურად მუშაობს”, – აცხადებს კრივი რიჰის თავდაცვის საბჭოს ხელმძღვანელი.

რუსულმა ძალებმა კრივი რიჰზე სარაკეტო თავდასხმა გუშინ განახორციელეს. უკრაინის ცნობით, რუსმა ოკუპანტებმა კრივი რიჰში პოლიციის ერთ-ერთ ადმინისტრაციულ შენობას დაარტყეს სარაკეტო დარტყმის შედეგად პოლიციელი დაიღუპა. ადგილობრივი ხელისუფლების ინფორმაციით, რუსული რაკეტა ადმინისტრაციულ შენობას მოხვდა, სადაც სხვადასხვა სამსახურის ოფისები იყო.

3 ადამიანი ემსხვერპლა რუსეთის რუსეთის თავდასხმას ხერსონის ოლქში, იყო დარტყმები სუმის ოლქშიც. ბოლო კვირაში გაძლიერებული სამხედრო აქტიურობა შეინიშნება რუსეთის მიერ დაკავებული ზაპოროჟიეს მახლობლად, აფეთქებების ხმა ატომური ელექტროსადგურის მახლობლადაც ისმოდა.

კიევი მიიჩნევს,რომ ფრონტის ხაზზე ახლა ინიციატივა მათ ხელშია, გრძელდება კონტრშეტევები. ამასთან გერმანიის, დანიისა და ნიდერლანდების მიერ შეპირებული ლეოპარდის ტიპის ტანკები უკვე უკრაინაშია.

ცნობილი ხდება,რომ უკრაინის შემდგომი დახმარების პაკეტში ამერიკა ATACMS-ის ტიპის ტაქტიკურ ბალისტიკურ რაკეტებს შეიტანს. ევროკავშირის საბჭომ კი ყირიმში ადამიანის უფლებების დარღვევის გამო რუსეთის დამატებით 6 მოქალაქის მიმართ სანქციები დააწესა.

ვოლოდიმირ ზელენსკი კი ყოველდღიურ მიმართვაში რუსეთის წინააღმდეგ უფრო სერიოზული და უფრო მასშტაბური სანქციების აუცილებლობაზე საუბრობს. უკრაინის პრეზიდენტი მიიჩნევს, რომ მოსკოვისთვის სანქციების დაწესებასთან დაკავშირებული პაუზა ზედმეტად გახანგრძლივდა.

“ამ მომენტისთვის, პარტნიორებისგან ჩვენ ვხედავთ გაგრძელებულ პაუზას სანქციების ნაწილში და იმასაც, რომ რუსეთი აქტიურად ცდილობს მათ თავი აარიდოს. საკვანძოდ მნიშვნელოვანია ამ საკითხთან მიმართებით თავისუფალმა სამყარომ დამატებითი გადაწყვეტა იპოვოს: რომ სანქციების აღსრულება წარმატებით წარიმართოს, რომ რუსეთმა ვერ შეძლოს თავისუფალი სამყაროს კომპანიების, ტექნოლოგიების, პროდუქტების გამოყენება თავისუფლების წინააღმდეგ ომში. არსებობს სამი პრიორიტეტი : რუსეთისთვის სანქციების დაკისრების გაგრძელება ენერგეტიკულ სექტორში, ტერორისტებისთვის მიკროელექტრონიკისა და ჩიპების მიწოდების რეალური აკრძალვა და რუსული ფინანსური სექტორის დაბლოკვა. მსოფლიოს სასანქციო იერიში უნდა განახლდეს,”- განაცხადა ვოლოდიმირ ზელენსკიმ.