ქართველ სამჭიდელთა წარმატება ევროპის კლასიკურ ჩემპიონატზე [Photo/video]

ესტონეთის ქალაქ ტარტუში ევროპის კლასიკური ჩემპიონატი ძალისმიერ სამჭიდში ჩატარდა, რომელზეც საქართველოს ნაკრები 3 სპორტსმენით იყო წარდგენილი: ჯაბა ღობნელიშვილი (66 კგ.), ზურაბ ძამუკაშვილი (83 კგ.) და არჩილ შაშურაშვილი (105 კგ.).

ათლეტიზმის ფედერაციის პრესსამსახურის ცნობით, ღობნელიშვილმა სამჭიდის ჯამში 545 კგ. დააგროვა და თავის წონით კატეგორიაში მეშვიდე ადგილი დაიკავა, ხოლო ცალკეულ მოძრაობა ამოწევაში მესამე პოზიცია ერგო და მცირე ბრინჯაოს მედლით დაჯილდოვდა.

ძამუკაშვილმა, რომლისაგან ევროპის რეკორდის დამყარებას ველოდით, მოწამვლის გამო, შეჯიბრის წინა დღე საავადმყოფოში გაატარა და სამწუხაროდ, შეჯიბრზე ასპარეზობა ვერ შესძლო.

შაშურაშვილმა 105 კგ წონით კატეგორიაში 750 კგ-ით მეცხრე ადგილი დაიკავა, ცალკეულ მოძრაობა ჩაჯდომში კი მეორე პოზიციაზე გავიდა და მცირე ვერცხლის მედალს დაეუფლა.

საქართველოს ნაკრებმა 22 ქვეყანას შორის გუნდური მეთოთხმეტე ადგილი დაიკავა.

[inpost_gallery thumb_width=”200″ thumb_height=”200″ post_id=”31569″ thumb_margin_left=”0″ thumb_margin_bottom=”0″ thumb_border_radius=”2″ thumb_shadow=”0 1px 4px rgba(0, 0, 0, 0.2)” js_play_delay=”3000″ id=”” random=”0″ group=”0″ border=”” type=”yoxview” show_in_popup=”0″ album_cover=”” album_cover_width=”200″ album_cover_height=”200″ popup_width=”800″ popup_max_height=”600″ popup_title=”Gallery”][/inpost_gallery]