მნიშვნელოვანიმსოფლიოსიახლეები

თურქეთში 7-დღიანი გლოვა გამოცხადდა

თურქეთის პრეზიდენტმა, რეჯეფ ტაიფ ერდოღანმა, თურქეთში მიწისძვრის შედეგად დაღუპულთა ხსოვნის პატივსაცემად 7-დღიანი გლოვა გამოაცხადა. ერთი კვირის განმავლობაში, მთელი ქვეყნის მასშტაბით და საზღვარგარეთ თურქეთის დიპლომატიური მისიების შენობებზე, დროშები დაშვებული იქნება.

ერდოღანმა „ტვიტერში“ დაწერა:

„ქვეყანაში 2023 წლის 6 თებერვალს მომხდარი მიწისძვრების გამო შვიდდღიანი გლოვა გამოცხადდა. ჩვენი დროშები დაშვებული იქნება 2023 წლის 12 თებერვალამდე, კვირამდე, მზის ჩასვლამდე, მთელ ჩვენს ქვეყანაში და უცხოურ წარმომადგენლობებში“,- დაწერა მან.

თურქეთში მომხდარი მიწისძვრების შედეგად გარდაცვლილთა რაოდენობა 1 651-მდე გაიზარდა. ბოლო მონაცემებით, თურქეთის 10 პროვინციაში 11 199 ადამიანი დაშავდა.

ეს მას შემდეგ მოხდა, რაც თურქეთის მთავრობის ოფიციალურმა წარმომადგენლებმა დამატებით 1,651 გარდაცვლილის შესახებ განაცხადეს. საერთო ჯამში კი, მიწისძვრის შედეგად, თურქეთსა და მეზობელ სირიაში 2,651 ადამიანი დაიღუპა.

მსგავსი პოსტები

Back to top button