საქართველოში კორონავირუსის 4226 ახალი შემთხვევა გამოვლინდა
ბოლო 24 საათში, საქართველოში კორონავირუსის 4226 ახალი შემთხვევა გამოვლინდა. Stopcov.ge-ს ინფორმაციით, ვირუსს კიდევ 53 ადამიანი ემსხვერპლა. კორონავირუსისგან გამოჯანმრთელდა 4 091 პაციენტი.
ბოლო 24 საათში ჩატარდა 55 130 კვლევა ტესტით, მათ შორის ანტიგენის სწრაფი ტესტით – 33 673, ხოლო PCR ტესტით – 21 457.
სულ ქვეყანაში ჩატარებულია – 2 264 582 აცრა, ხოლო 7 დეკემბერს ვაქცინირებულთა მონაცემმა 11 943 შეადგინა.
ეპიდემიოლოგიური ვითარება საქართველოში კვლავ მძიმეა. ექიმების პროგნოზით, ინფიცირებისა და ლეტალობის მაჩვენებელი, შესაძლოა, ზამთრის სეზონის განმავლობაში შენარჩუნდეს. ვითარებას სეზონური ვირუსებისა და ახალი შტამის გავრცელების საფრთხეც ართულებს, ამიტომ სპეციალისტთა მთავარ რეკომენდაციად კვლავ იმუნიზაციის პროცესში ჩართვა და რეგულაციების შესრულება რჩება.
შეგახსენებთ, კოვიდპანდემიის დაწყებიდან დღემდე საქართველოში კორონავირუსის 875 806 შემთხვევა დადასტურდა, მათ შორის გამოჯანმრთელებულთა საერთო რაოდენობაა – 817 963, ვირუსს ემსხვერპლა 12 519 ადამიანი.
