“საქართველოში მიღებული კანონი უცხოელი აგენტების შესახებ, შეშფოთებას იწვევს,,-ODIHR
ეუთო/ოდირის განცხადებით, საქართველოში უცხოური აგენტების შესახებ მიღებული კანონი სამოქალაქო საზოგადოებაზე უარყოფითი გავლენის გამო შეშფოთებას იწვევს.
ODIHR-ის დირექტორმა, მარია თელალიანმა, განაცხადა რომ “სამოქალაქო საზოგადოება სასიცოცხლოდ მნიშვნელოვანია ყველა დემოკრატიისთვის და ნებისმიერმა ახალმა მოთხოვნამ უნდა გააძლიეროს მათი მნიშვნელოვანი მუშაობა საერთაშორისო სტანდარტების შესაბამისად, ვიდრე შეზღუდვები დაუწესოს მათ”.
“ახლად მიღებული კანონი მიზნად ისახავს შეცვალოს გასულ წელს მიღებული „კანონი უცხოური გავლენის გამჭვირვალობის შესახებ“, იმ შეშფოთების ფონზე, რომ ის შეაფერხებს გაერთიანების, მშვიდობიანი შეკრებისა და გამოხატვის თავისუფლებას. კანონმა, სხვა ბოლოდროინდელ საკანონმდებლო ინიციატივებთან ერთად, შეიძლება კიდევ უფრო შეზღუდოს სამოქალაქო საზოგადოების ორგანიზაციებისა და უფლებადამცველების საქმიანობა მათი საქმიანობის განსახორციელებლად საჭირო გარანტიების მოხსნით”, – ნათქვამია განცხადებაში.
განცხადებაში აღწერილია, რომ ამერიკულ FARA-ს, რომელზეც საქართველოს ახალი კანონია მოდელირებული, აქვს სამართლებრივი გარანტიები, რომლებიც ხელს უშლის სამოქალაქო საზოგადოების ეტიკეტირებას.
“ის ცდილობს უზრუნველყოს, რომ კერძო კომპანიები ან არაკომერციული ორგანიზაციები, რომლებიც მონაწილეობენ ადვოკატირებაში ან ლობირებაში უცხოური ძალების სახელით, დარეგისტრირდნენ და ეს ინფორმაცია საჯაროდ იყოს ხელმისაწვდომი.
ერთი ქვეყნიდან მეორეში კანონმდებლობის იმპორტს ყოველთვის სიფრთხილით უნდა მივუდგეთ და განხილვა უფრო ფართო ეროვნული, ინსტიტუციური და სამართლებრივი ჩარჩოს კონტექსტში უნდა მოხდეს”, – წერია განცხადებაში.
ODIHR-ი მოუწოდებს ქართული ოცნების მთავრობას, გადახედოს ამ საკანონმდებლო ინიციატივის გადახედვისა და კანონის ფრთხილად გადაფასების აუცილებლობისკენ.
“ეუთოს ყველა მონაწილე სახელმწიფომ აიღო ვალდებულება დაიცვას შეკრების, გაერთიანებისა და გამოხატვის თავისუფლების უფლებები, როგორც კანონში, ასევე პრაქტიკაში. მათ, ასევე, აღიარეს სამოქალაქო საზოგადოების მნიშვნელობა ადამიანის უფლებების, დემოკრატიისა და კანონის უზენაესობის ხელშეწყობისთვის.
მიუხედავად იმისა, რომ ლობისტური საქმიანობის რეგულირება მნიშვნელოვანი ინსტრუმენტია საზოგადოებრივი გადაწყვეტილებების მიღების გამჭვირვალობისა და მთლიანობის უზრუნველსაყოფად, კორუფციის თავიდან ასაცილებლად, მან პატივი უნდა სცეს ამ უფლებებს და არ დაარღვიოს პოლიტიკური და საზოგადოების მონაწილეობა”, –
