რუსეთი არ აძლევს ნებართვას მისიას, მოინახულოს სამხედრო ტყვეები
უკრაინაში გაეროს ადამიანის უფლებათა მისიის ხელმძღვანელმა რუსეთი დაადანაშაულა, რომ არ აძლევს ნებართვას მისიას, მოინახულოს სამხედრო ტყვეები- ამის შესახებ მან ჟენევაში გამართულ ბრიფინგზე განაცხადა.
მატილდა ბოგნერის თანახმად, მისიას აქვს მტკიცებულება, რომ უკრაინელ ტყეებს სასტიკად ექცევიან და აწამებენ, რაც ომის დანაშაულს წარმოადგენს.
„რუსეთის ფედერაციამ არ მოგვცა საშუალება, გვენახა სამხედრო ტყვეები, რომლებიც ან მისი ტერიტორიაზე არიან, მის მიერ ოკუპირებულ ტერიტორიაზე“- განაცხადა მატილდა ბოგნერმა ჟენევაში 9 სექტემბერს.
„ეს მით უფრო საგანგაშოა, რადგან ჩვენ დოკუმენტურად დავადასტურეთ, რომ სამხედრო ტყვეებს, რომლებიც იმყოფებიან რუსეთის ფედერაციის ხელში, ან დაკავებული ჰყავთ რუსეთის შეიარაღებულ ძალებს ან მის მოკავშირე ძალებს, ეპყრობოდნენ სასტიკად და აწამებდნენ,“ დასძინა მან.
მისიის ხელმძღვანელი ამბობს, რომ ტყვეების მიმართ ძალადობა სამხედრო დანაშაულია. რუსეთული სარდლობა კი უკრაინელი ჯარისკაცების მიმართ სასტიკ მოპყრობას უარყოფს.
რაც შეეხება დამკვირვებლების არშეშვებას, კრემლის პრესსპიკერი დმიტრი პესკოვი ამბობს, რომ ვერაფერს შეაფასებს, რადგან რუსეთის ხელისუფლებას საკმარისი ინფორმაცია არ აქვს.
“არ ვიცით, ვინ მიმართავდა სამხედროებს და მიმართეს თუ არა საერთოდ”, – თქვა მან.
ამავე დროს, ბოგნერმა განაცხადა, რომ გაეროს დამკვირვებლებს შეუფერხებელი წვდომა აქვთ უკრაინულ ობიექტებზე, სადაც რუსი ტყვეები იმყოფებიან. როგორც აღნიშნული იყო, იქაც გამოვლინდა ტყვეების მიმართ არაადამიანური მოპყრობის შემთხვევები.
რუსეთმა არაერთხელ უარყო სამხედრო ტყვეების წამება და მათ მიმართ სასტიკი მოპყრობა უკრაინაში 24 თებერვალს მისი შეჭრის შემდეგ.
1949 წელს მიღებული, მიღებული, გაეროს ჟენევის კონვენციის თანახმად (მას ხელი მოაწერა რუსეთმა და უკრაინამ), წამება, სხეულის განზრახ დაზიანება, სამხედრო ტყვეების მკვლელობა, წინასწარ განზრახული თავდასხმა სამოქალაქო მოსახლეობაზე და ქონების ფართომასშტაბიანი განადგურება სამხედრო აუცილებლობის გარეშე, ითვლება ომის დანაშაულად.
კიევის თანახმად, უკრაინაში წარმოებს რუსეთის არმიის შეჭრის შემდეგ ჩადენილი სავარაუდო ომის დანაშაულის 32 ათასი საქმის, მათ შორის, სამხედრო ტყვეების მიმართ წამების და სასტიკად მოპყრობის შემთხვევების გამოძიება. რუსეთის კრემლის პრესმდივანმა, დმიტრი პესკოვმა 9 სექტემბერს უარი თქვა გაეროს განცხადების კომენტირებაზე და განაცხადა, რომ რუსეთის ხელისუფლება არ აფლობს საკმარის ინფორმაციას გაეროსგან იმის შესახებ, თუ რას ეფუძნება ეს ბრალდებები.
