მნიშვნელოვანირეგიონისიახლეები

ბოდბელ ეპისკოპოსს იაკობს მრევლი დაუპირისპირდა

ბოდბელი ეპისკოპოს იაკობს, ბოდბის წმინდა ნინოს სახელობის ეკლესიაში, ქადაგების დროს, ეკლესიაში მყოფი ქალი დაუპირისპირდა.

მრევლის ერთ- ერთი წევრის, ანა ხუნაშვილის განმარტებით, ქადაგებები, რომლებსაც მეუფე იაკობი ატარებს, მიუღებელია.

” 53 ადამიანია ნაცემი და ეს თქვენი დამსახურებაა. როდემდე შეიძლება ასეთი ქადაგებები. სასულიერო პირებმა უნდა დაიცვან საკუთარი ქალაქები და ადგილები. ილაპარაკეთ პეტრეზე და პავლეზე, როლებიც ჭეშმარიტი ქრისტიანები არიან”- მიმართა მან მეუფე იაკობს.

თავად ბოდბელმა ეპისკოპოსმა, მრევლის წარმომადგენლის კრიტიკას არ უპასუხა.

მან სამწუხარო უწოდა ტელეკომპანია პირველის ოპერატორის, ლექსო ლაშქარავას გარდაცვალებას, თუმცა პასუხისმგებლობა პრაიდის ორგანიზატორებსაც დააკისრა.

“ძალიან სამწუხაროა, გუშინ ახალგაზრდა კაცი გარდაიცვალა. ბევრი არ ვიცოდით და გავიცანით იქიდან, ფიზიკურად გაუსწორდნენ მას . გუშინ გარდაიცვალა და ალბათ გავიგებთ ცოტა ხანში რისთვის გარდაიცვალა. სიმართლე ალბათ დადგინდება რა მიზეზითაც არ არ უნდა იყოს გარდაცვლილი რთულია, როცა უყურებ ადამიანის გასვლას ამ ქვეყნიდან. მართლაც გული დაგვწყვიტა ქვეყნის მოსახლეობის უმრავლესობას”-აღნიშნა მეუფე იაკობმა.

ბოდბელი ეპისკოპოსი გმობს ძალადობას, თუმცა ამბობს, რომ ძალადობა წლებია მიმდინარეობს და ამაზე პასუხისმგებლები მედიის მფლობელები არიან.

„მრავალი ადამიანი გახდა ფიზიკურად თუ სიტყვიერად შეურაცხყოფის მოწმე. ჩვენთვის ყოველთვის ძალიან სამწუხაროა ასეთი რაღაც რომ ხდება, ქრისტე არ იყო მოძალადე და ჩვენც ვერ ვიქნებითნ მოძალადეები და ძალიან ხშირად ეკლესიას ვინც ებრძვიან ის ადამიანები გვაბრალებენ ხოლმე სასულიერო პირებს .

ჩვენი ვალდებულებაა დათმენა, მთავარია ღმერთთან არ შეგვაწუხოს სინდისმა, რომ რაღაც არასწორი რაღაცები გავაკეთეთ ხალხის მისამართით. სამწუხაროა, რომ ასეთი რაღაცები ხდება, ალბათ კაცობრიობისთვის, სამწუხაროდ, ისე მოვა მეორედ მოსვლა, ვერ გამოვასწორებთ მაგას. ჩვენ ხო არ ვიცით ერთმანეთის მოსმენა, ჭეშმარიტების ძიება თუ რამე აზრი გაგვაჩნია უნდა ვიჩუბოთ და მაინდამაინც ჩვენი აზრი უნდა იყოს მართალი . ადამიანი გონიერი არსებაა, თავი იმისთვის არ გვაქვს მაპატიეთ, მარტო მოსაფხანად. ამიტომ არის საკითხები შეიძლება საზოგადოების ძალიან დიდი ნაწილი ან მცირე ნაწილი რაღაც აზრს ავითარებდეს და სხვასაც აქვს აქვს ყოველთვის არსებობის უფლება.

ამიტომ ერთი და იგივე საკითს ერთნაირად არასდროს არ ვუყურებთ და ასეც არის, ადამიანები განსხვავებულები ვართ..ძალადობა დიდი ხანია მიმდინარეობს, მაგრამ მე ჟურნალისტებს არ გაბრალებთ, ამაზე, ვინც ამინდს ქმნის, ისა არის პასუხისმგებელი. თუ რამ კადრები გაქვთ, სასულიერო პირებზე, მიაწოდეთ შინაგან საეთა სამინისტროს,დამნაშავე ყველა უნდა დაისაჯოს.მაგრამ პრაიდის ორგანიზატორებს, რატომ არავინ არაფერს ეკითხება. რამდენი პარადი უნდა ჩაატაროთ, რომ ასეთი ვითარება მიიღოთ. არ არის ხალხი მზად ამის მისაღებად და ეს უნდა გავიგოთ. ჩვენ ქაშუეთში პარაკლისი გვქონდა და ვფიქრობდით, რომ ჩავმდგარიყქვით შუაში. ჟურნალისტებს რას გერჩოდნენ, მართლა გაუგებარია. კიდევ გასაგები იქნებოდა, ორ მხარეს რომ მოსვლოდა დაპირისპირება.”

გუშინდელ აქციაზე გაჟღერებულ, მთავრობის გადადგომის მოთხოვნის შესახებ პასუხს, ბოდბელმა ეპისკოპოსმა თავი აარიდა.

ნახეთ ვიდეო

მსგავსი პოსტები

Back to top button