სპორტი
შესაძლოა ევროპის ჩემპიონატის ფინალი ლონდონში აღარ გაიმართოს
შესაძლოა, ევროპის საფეხბურთო ჩემპიონატის ფინალური შეხვედრის მასპინძლობის უფლება ლონდონის „უემბლის“ სტადიონს ჩამოართვან.
არის ალტერნატიული ვარიანტიც: ევრო 2020-ის ფინალი სავარუდოდ ბუდაპეშტში ჩატარდება.
ბრიტანული მედიის ცნობით, უეფა გადაწყვეტილების მოლოდინშია. იმ შემთხვევაში თუ ინგლისი კორონავირუსის გამო ვერ წარმოადგენს გარანტიას, რომ „უემბლი“ მთლიანად შეავსოს, – უეფა ფინალურ შეხვედრას უნგრეთის დედაქალაქში ჩაატარებს.
ცნობილია, რომ ბუდაპეშტში გამართულ თამაშებზე ტრიბუნები ბოლომდე ივსება; ქომაგთა რაოდენობა აქ შეზღუდული უკვე აღარ არის.
ევროპული ფეხბურთის მმართველმა ორგანომ აღნიშნული მოსალოდნელი გადაწყვეტილების შესახებ უკვე აცნობა ბრიტანეთის პრემიერმინისტრს, ბორის ჯონსონს. უეფა ახლა ლონდონისგან შესაბამის პასუხს და კონკრეტულ ქმედებას ელოდება.
