შიშველი ტრამპის ქანდაკება აუქციონზე გაიყიდა [Video]
ნატურალური სიმაღლის ქანდაკება, რომელზეც შიშველი პრეზიდენტობის კანდიდატი, დონალდ ტრამპია გამოსახული, ლოს-ანჯელესის აუქციონზე 22 ათას დოლარად გაიყიდა.
როგორც Julien’s Auctions-ის ორგანიზატორები აღნიშნავენ, მხატვართა ანონიმური საზოგადოების მიერ შექმნილი ქანდაკება აუქციონის ყველაზე განხილვად თემად იქცა.
ქანდაკების გაყიდვიდან შესული თანხა ნაციონალურ იმიგრაციულ ფორუმში გადაირიცხება, რომელიც მიგრანტთა მხარდაჭერითაა დაკავებული.
აღსანიშნავია, რომ მიმდინარე წლის აგვისტოში ნიუ-იორკის, სან-ფრანცისკოს, ლოს-ანჯელესის, კლივლენდისა და სიეტლის საზოგადოებრივი თავშეყრის ადგილებში შიშველი დონალდ ტრამპის ქანდაკებები გამოფინეს. პრეზიდენტობის კანდიდატის დასაცინი აქცია, სახელწოდებით The Emperor Has No Balls ანარქისტულმა ჯგუფმა – INDECLINE-მა მოაწყო.
ანარქისტები აღნიშნული აქციის ჩასატარებლად 4 თვე ემზადებოდნენ. ქანდაკების შექმნის შთაგონების წყარო ჰანს ქრიასტიან ანდერსენის ზღაპარი – “მეფის ახალი სამოსი” (შიშველი მეფე) გახდა.
https://www.youtube.com/watch?v=MmchpOjJZ5c
