პატრიარქმა ხმა მარკირების გარეშე მისცა
საქართველოს მართლმადიდებელი ეკლესიის პატრიარქმა ილია მეორემ ხმა უკვე მისცა ადგილობრივი თვითმმართველობის არჩევნებზე.
პატრიარქის საარჩევნო უბანზე მისვლამდე რამდენიმე წუთით ადრე, მისი დაცვის თხოვნით, წინასწარ გაამზადეს ბიულეტენები. საარჩევნო უბანზე იმსჯელეს იმაზე, გაეკეთებინათ თუ არა პატრიარქისთვის მარკირება, თუმცა საბოლოოდ ასე არ მოხდა.
პატრიარქმა წინა არჩევნებზეც მარკირების გარეშე მისცა ხმა. ხმის მიცემამდე, საარჩევნო კომისიის რეგისტრატორმა ილია მეორეს ხელზე აკოცა, რის შემდეგაც პატრიარქი საარჩევნო კაბინაში შევიდა ხმის მისაცემად.
ინფორმაციის წყარო
