მნიშვნელოვანირეგიონისიახლეები
უშბაზე ლაშქრობისას მოლდოველი ალპინისტები დაიკარგნენ
სვანეთში, მწვერვალ უშბაზე ლაშქრობისას მოლდოვიდან ალპინისტი მამა-შვილი დაიკარგა. ამის შესახებ ინფორმაცია, დაკარგულების ოჯახის წევრმა გალინა კულიკოვამ Facebook-ზე დაწერა.
ქალის თქმით, ბოლოჯერ ქმარ-შვილს 28 აგვისტოს 15:58 საათზე დაუკავშირდა.
“გვჭირდება დახმარება. ბოლოს მომწერეს, რომ კარგად იყვნენ, მას შემდეგ ისინი კავშირზე აღარ გამოსულან”, – აცხადებს დაკარგულების ოჯახის წევრი.
დაკარგული ტურისტების ძებნის ოპერაციაში ადგილობრივი მაშველები უკვე ჩაერთვნენ.
რაც შეეხება სამაშველო ვერტმფრენს, ცუდი ხილვადობის გამო მისი აფრენა ვერ მოხერხდა.
