შვეიცარელებმა კარბონის iPhone-ები გამოუშვეს [Video]
შვეიცარიის საიუველირო სახელოსნო Golden Dreams-მა სმარტფონების ლუქს კლასის ხაზი წარმოადგინა.
გაჯეტებს კარბონის კორპუსები გააჩნიათ, რომელიც, მწარმოებელის თქმით, სხვა iPhone-ებთან შედარებით 3-ჯერ უფრო მჩატეა და ფოლადზე 4-ჯერ გამძლე. ინფორმაცია კომპანიის ოფიციალურ საიტზე ვრცელდება.
სმარტფონების ახალ კოლექციას Carbon Concept Editionუწოდეს. iPhone-ის უკანა პანელი მთლიანად ნახშირბოჭკოსგანაა დამზადებული, ხოლო მისი ფერის შერჩევა მყიდველის გემოვნებაზეა დამოკიდებული.
მწარმოებელმა აღნიშნა, რომ Carbon Concept Edition-ის შესაქმნელად მიკროინჟინერია გამოიყენა.
Golden Dreams-მა ახალი სმარტფონები მცირე ტირაჟით გამოუშვა, სულ 77 ეგზემპლარი. თითოეულის ფასი $17 000 იქნება.
