მნიშვნელოვანისაქართველო

პარიზში საქართველოს რვა მოქალაქე დააკავეს

“ქართველმა სამართალდამცველებმა ფრანგ კოლეგებთან ერთად პარიზში კრიმინალური დაჯგუფების რვა წევრი დააკავეს”, – ამის შესახებ განცხადება, ცენტრალური კრიმინალური პოლიციის დეპარტამენტის დირექტორის მოადგილე დავით ლაცაბიძემ გააკეთა.

ლაცაბიძემ საქართველოსა და უცხოეთში გახსნილ საქმეებზე საგანგებო ბრიფინგზე ისაუბრა.

“საქართველოს შს სამინისტროს ცენტრალური კრიმინალური პოლიციის დეპარტამენტის თანამშრომლებმა ფრანგ კოლეგებთან ერთად საქართველოს მოქალაქეები, კრიმინალური დაჯგუფების 8 წევრი პარიზში დააკავეს. დაკავებულებს კრიმინალური დაჯგუფების წევრობა, ჯგუფურად ჩადენილი ქურდობა და ნაქურდალი ნივთების შეძენა ედებათ ბრალად. ქართველი და ფრანგი სამართალდამცველების ჩატარებული გამოძიებით ირკვევა, რომ გასული წლის მარტიდან დღემდე, დანაშაულებრივი ჯგუფის წევრებმა ქურდობა მრავალჯერ ჩაიდინეს,“- განაცხადა ლაცაბიძემ.

გამოძიების მტკიცებით, “დადგინდა, რომ ჯგუფის წევრებს კავშირი ჰქონდათ 2017 წელს პარიზში დაკავებულ კანონიერ ქურდებთან და მოპარული ნივთების გაყიდვის შედეგად ქურდული ოფშიაკი ივსებოდა”.

მსგავსი პოსტები

Back to top button