,,ფეისბუქ” მომხმარებელი ნათია გვათუა სოციალური ქსელის საშუალებით, საჯარო მადლობას უხდის პოლიციის თანამშრომელს, რომელიც ყოველდღიურად, მას და მის შვილს, აუტისტური სპექტრის მქონე ლუკას სკოლამდე მისვლაში ეხმარება. ნათია გვათუა პოლიციის თანამშრომელთან გადაღებულ ფოტოსაც ავრცელებს.
,,მე და ლუკა მადლობას ვუხდით, ჩვენ საყვარელ პოლიციელს გიორგის. ასევე მადლობა შსს-ს, ასეთი მაღალი დონის ინტელექტისა და მორალის მქონე კადრისთვის…”, – წერს ინტერნეტმომხმარებელი, პოსტის კომენტარებში კი განმარტავს – ,,სკოლასთან გვხდება ყოველ დილით და ძალიან მეხმარება. კარგი პოლიციელი. რაც მთავარია ისე პროფესიონალურად ახერხებს, რომ გეგონება ინკლუზიის კურსები აქვს გალილი”.
