სოფელ ბაკურციხეს განახლებული კულტურის ცენტრი ექნება
სოფელ ბაკურციხეს განახლებული კულტურის ცენტრი ექნება. შენობა გასული საუკუნის 70-იან წლებში აშენდა და 20 წელია არ ფუნქციონირებს. შენობა მთლიანად რემონტდება.
კერამო-გრანიტითა და ბუნებრივი ქვით მოპირკეთდება იატაკი, კეთდება მეტალოპლასტმასის ფანჯრები, მდფ-ის კარები, იცვლება შენობის სახურავი. ასევე, დამონტაჟდება გათბობის სისტემა, მოწესრიგდება ელექტრო და წყალმომარაგების ქსელი.
გარდა შენობის რეაბილიტაციისა, პროექტი ეზოს მოპირკეთებასაც ითვალისწინებს. სამუშაოების ღირებულება 1 922 556 ლარია. სარეაბილიტაციო სამუშაოები 2016 წლის ოქტომბერში დასრულდება.
