სოციალურად დაუცველი ოჯახის სახლი დაიწვა

ხანძარი იყო გვიან ღამით ხელვაჩაურში, სოფელ განახლებაში. ცეცხლი სოციალურად დაუცველი, 6 წევრიანი ოჯახის საცხოვრებელ სახლს გაუჩნდა.

ხანძრის შედეგად არავინ დაშავებულა, თუმცა დამწვარია სახლის დიდი ნაწილი, საყოფაცხოვრებო ნივთები, ავეჯი. ოჯახმა ღამე ახლობლებთან გაათია.

ადგილზე სამი სახანძრო-სამაშველო ბრიგადა მუშაობდა. ხანძრის გამომწვევ მიზეზს შინაგან საქმეთა სამინისტრო სწავლობს.

ინფორმაციას აჭარის ტელევიზია ავრცელებს.