სლოვენია ”ევრობასკეტის” ჩემპიონია

სლოვენიის საკალათბურთო ნაკრები ევროპის ჩემპიონია. იგორ კოკოშკოვის გაწვრთნილმა გუნდმა ფინალში სერბეთის ნაკრები 93:85 დაამარცხა და ისტორიაში პირველად მოიგო კონტინენტის პირველობა.

ფინალურ მატჩში საუკეთესო სლოვენიის ნაკრების კაპიტანი გორან დრაგიჩი იყო, რომელმაც 35 ქულა, 3 შედეგიანი გადაცემა და 7 მოხსნა მიითვალა. 22 ქულითა და 5 შედეგიანი გადაცემით გამორჩეული იყო სერბეთის ნაკრების ლიდერი, ბოგდან ბოგდანოვიჩი.

შეხვედრა ძირითადად სლოვენიის უპირატესობით მიმდინარეობდა და სხვაობა 12 ქულასაც კი აღწევდა, თუმცა სერბებმა შეძლეს სხვაობის შემცირება და მატჩის ბედი ბოლო წამებზე გადაწყდა.

მსგავსი პოსტები

Back to top button