სტივენ ჯერარდმა შესაძლოა „ევერტონი“ ჩაიბაროს
„გლაზგო რეინჯერსის“ მთავარმა მწვრთნელმა სტივენ ჯერარდმა შესაძლოა ლივერპულის „ევერტონი“ ჩაიბაროს. ინტერნეტ-გამოცემა „ატლეტიკი“-ს ცნობით, ევერტონის ხელმძღვანელობა სხვა კანდიდატთა შორის უპირატესობას სწორედ ჯერარდს ანიჭებს.
კანდიდატებს შორის არიან ცნობილი ფეხბურთის სპეციალისტები: რაფაელ ბენიტესი, დევიდ მოიესი, პაულო ფონსეკა, ერიკ თენ ჰაგი და რობერტო მარტინესი.
შოტლანდიურმა „რეინჯერსმა“ ჯერარდის ხელმძღვანელობით 2020-2021 წლების სეზონში ქვეყნის ჩემპიონის ტიტული მოიგო.
საფეხბურთო კარიერის მანძილზე ინგლისელი სპეციალისტი „ლივერპულში“ 1998-2015 წლებში ნახევარმცველის პოზიციაზე თამაშობდა, თუმცა ინგლისის ჩემპიონი არასდროს არ გამხდარა.
აღსანიშნავია, რომ კარლო ანჩელოტიმ, რომელიც მადრიდის „რეალს“ ჩაუდგა სათავეში, – „ევერტონის“ დამრიგებლის პოსტი საკუთარი განცხადების საფუძველზე რამდენიმე დღიის წინ დატოვა.
