სუსის ყოფილი ხელმძღვანელი რეგიონული განვითარების მინისტრად აღარ დაინიშნა
ირაკლი კობახიძემ რეგიონული განვითარების მინისტრად კახა კალაძის ყოფილი მოადგილე, მუნიციპალური ინსპექციის ყოფილი ხელმძღვანელი, სამგორის რაიონის ყოფილი გამგებელი და საქართველოს რეგიონული განვითარებისა და ინფრასტრუქტურის მინისტრის ყოფილი მოადგილე კახა გულედანი წარადგინა. ამ პოსტზე მთავრობა სახელმწიფო უსაფრთხოების სამსახურის ყოფილი ხელმძღვანელის, გრიგოლ ლილუაშვილის დანიშვნას გეგმავდა მას შემდეგ, რაც მან სუსი დატოვა და ამ უწყების ხელმძღვანელად ყოფილი დეპუტატი, იუსტიციის ყოფილი მინისტრი ანრი ოხანაშვილი დაინიშნა.
კობახიძის მტკიცებით, “გაირკვა, რომ მას [გრიგოლ ლილუაშვილს] ჰქონდა განსხვავებული მიდგომები სამინისტროს საქმიანობის პრინციპებთან, მათ შორის, სამინისტროში გასატარებელ საკადრო პოლიტიკასთან დაკავშირებით
კობახიძის თქმით, რეგიონალური განვითარების მინისტრად, კახაბერ გულედანი დაინიშნება.
რამდენიმე დღის წინ, საპარლამენტო უმრავლესობასთან კონსულტაციების საფუძველზე მივიღეთ გადაწყვეტილება, საქართველოს რეგიონული განვითარების სამინისტროს შექმნის შესახებ.
გარდა ამისა, განვაცხადეთ, რომ აღნიშნულ თანამდებობას ბატონი გრიგოლ ლილუაშვილი დაიკავებდა, გასულ დღეებში ჩვენ გვქონდა კონსულტაციები გრიგოლ ლილუაშვილთან და გაირკვა, რომ მას ჰქონდა განსხვავებული მიდგომები სამინისტროს საქმიანობის პრინციპებთან, მათ შორის, სამინისტროში გასატარებელ საკადრო პოლიტიკასთან დაკავშირებით.
აქედან გამომდინარე, მივიღეთ გადაწყვეტილება, რომ ბატონი გრიგოლ ლილუაშვილი აღარ დაიკავებს რეგიონული განვითარების მინისტრის თანამდენობას, ამ გადაწყვეტილებამდე მივედით ჩვენ ერთობლივად. მინისტრად დაინიშნება კახაბერ გულედანი. მას აქვს მართვისა და რეგიონალურ საკითხებზე მუშაობის ძალიან ფართო გამოცდილება.
ის წლების განმავლობაში მუშაობდა, ჯერ კერძო სექტორში 2016-2017 წლებში, ის იკავებდა საქართველოს რეგიონალური განვითარებისა და ინფრასტრუქტურის მინისტრის მოადგილის თანამდებობას. მოგვიანებით, ის იყო სამგორის რაიონის გამგებელი, თბილისის მუნიციპალური ინსპექციის ხელმძღვანელი.
კახა გულედანი დღემდე იკავებდა თბილისის მერის მოადგილის თანამდებობას”, – თქვა კობახიძემ.
ახალ გამოწვევებს, ახალ პასუხისმგებლობას შევეცდები გუნდთან ერთად ღირსეულად გავართვა თავი, – ამის შესახებ საქართველოს რეგიონული განვითარების მინისტრობის კანდიდატმა, კახაბერ გულედანმა განაცხადა.
მან პრემიერს ნდობისთვის მადლობა გადაუხადა.
„მინდა მადლობა გადავუხადო პრემიერს ნდობისთვის. ეს ნდობა მანიჭებს განსაკუთრებულ პასუხისმგებლობას. ამ ახალ გამოწვევებს, ამ ახალ პასუხისმგებლობას შევეცდები გუნდთან ერთად ღირსეულად გავართვა თავი“,-აღნიშნა გულედანმა.
