მნიშვნელოვანირეგიონი

გურჯაანში სტიქიის შედეგად გადახდილი სახურავები ჯერ არ შეუკეთებიათ

გურჯანში სტიქიის შედეგად გადახდილი სახურავები ჯერ არ შეუკეთებიათ.
ძლიერმა წვიმამ საცხოვრებელი კორპუსების ზედა სართულები დატბორა.

განსაკუთრებით მძიმე მდგომარეობაა 68 ნომერში მდებარე ბინებში, სადაც გადახურვის ღრუტანიანი ფილებიდან, წყალი ჯერ კიდევ ჩადის.

კორპუსების მცხოვრებლები ამბობენ რომ 4 აგვისტოს სტიქიის შედეგად დაზიანებული სახურავები, ჯერ შეკეთებული არ არის, რის გამოც ბინები წყლით ივსება.

” როგორც გარეთ წვიმდა, ისე წვიმდა შიგნითაც. ჭერის და კედლების გარდა, ავეჯი და საყოფაცხოვრებო ტექნიკაც გაგვიფუჭდა. რომელი მხრიდან ჩამოსული წყალი შეგვეჩერებინა, არ ვიცოდით. ჭერს აფარია ბრეზენტი და ველოდებით გადახურვას, რომელზეც გვითხრეს, რომ ტენდერია გამოცხადებული”- ამბობენ ადგილობრივები.

გურჯაანის მუნიციპალიტეტის მერის მოვალეობის შემსრულებელი, ლერი გელენავა განმარტავს, რომ მთავრობის მიერ გამოყოფილი თანხით, გადახურვის სამუშაოები უახლოეს დღეებში დაიწყება.

” სტიქიების შემდეგ, ზარალის შემსწავლელი კომისიის მიერ მეორე დღიდანვე მიმდინარეობდა ზარალის აღრიცხვა, თითოეულ გადახდილ სახლზე წარმოებდა ბხარჯთაღირცხვის შედგენა, პარალელურად, მიმდინარეობდა სამშენებლო კომპანიების მოძიება, . რაც ამ სიმძაფრის სტიქიის დროს მოგეხსენებათ, გარკვეულ დროს საჭიროებდა. მთავრობის სტიქიის პრევენციის ფონდიდან გამოყოფილი ფინანსური რესურსით უახლოეს დღეებში დაიწყება საცხოვრებელი სახლების გადახურვის სამუშაოები,”- განაცხადა გელენავამ.

წლევანდელი ზაფხულის განმავლობაში, გურჯაანის მუნიციპალიტეტი ძლიერმა სტიქიამ ორჯერ დააზარალა.

ადიდებული ხევების კალაპოტიდან გადმოსვლის შედეგად, დაზიანდა საგზაო ინფრასტრუქტურა, კერძო პირების კუთვნილი შენობები, წყალმა წაიღო ავტომობილები.

ძლიერმა ქარმა სახურავი გადახადა ასზე მეტ კერძო სახლსა და მრავალბინიან საცხოვრებელ კორპუსს.

მსგავსი პოსტები

Back to top button