მნიშვნელოვანირეგიონისაქართველოსიახლეები

დიდი ოდენობის ქრთამის აღება და ყალბი დასკვნა

სუს-ის ანტიკორუფციული სააგენტოს თანამშრომლებმა 3 პირი დააკვეს. გამოძიება მათ დიდი ოდენობით ქრთამის აღებისა და ქრთამის აღებაში დახმარებას ედავება.

აჭარის გარემოს დაცვისა და ბუნებრივი რესურსების სამმართველოს მიწის მართვის სამსახურის უფროსი და ერთი პირი, – ქრთამის აღების ბრალდებით, ხოლო ერთი ექსპერტი, – ყალბი დასკვნის გაცემის ფაქტზე აიყვანეს.

გამოძიებით დგინდება, რომ აჭარის ა.რ. გარემოს დაცვისა და ბუნებრივი რესურსების სამმართველოს მიწის მართვის სამსახურის უფროსმა, რომელიც ამავდროულად ხელვაჩაურის მუნიციპალიტეტის საკუთრების უფლების აღიარების კომისიის წევრია, მოქალაქეს ხელვაჩაურის მუნიციპალიტეტის სოფელ ჭარნალში, მიწის ნაკვეთისა და მასზე განთავსებული შენობების საკუთრების უფლებით აღიარების სანაცვლოდ, ერთი პირის დახმარებით, ქრთამის სახით, 4 000 აშშ დოლარი გამოართვა.

აგრეთვე ექსპერტმა, ზემოაღნიშნული პირების მითითებით, 1 000 აშშ დოლარის სანაცვლოდ, საკუთრების უფლებით ასაღიარებელ მიწის ნაკვეთზე განთავსებული შენობა-ნაგებობის 2002-2006 წლებში აშენების თაობაზე, ყალბი ექსპერტიზის დასკვნა დაამზადა.

გამოძიება დიდი ოდენობით ქრთამის აღების, ქრთამის აღებაში დახმარებისა და ექსპერტის მიერ ყალბი დასკვნის გაცემის ფაქტზე მიმდინარეობს, რაც სასჯელის სახით, 7-დან 11 წლამდე თავისუფლების აღკვეთას ითვალისწინებს.

გამოძიებას სახელმწიფო უსაფრთხოების სამსახურის ანტიკორუფციული სააგენტო აწარმოებს.

მსგავსი პოსტები

Back to top button