მნიშვნელოვანირეგიონი

ქალს რომელიც თელავიდან თბილისში გადაიყვანეს კორონავირუსი დაუდგინდა

“47 წლის ქალი, რომელიც 14 მარტის პარიზი- თბილისის რეისის მგზავრი იყო და თელავიდან თბილისის ინპექციურ საავადმყოფოში გადაიყვანეს, კორონავირუსი დაუდგინდა”,- ამბობს ნელი ხიზანიშვილი, დაავადება კონტროლისა და საზოგადოებრივი ჯანმრთელობის ეროვნული ცენტრის კახეთი რეგიონული ხელმძღვანელი.

იგივე რეისით საქართველოში კიდევ 49 ადამიანი დაბრუნდა და ყველა მათგანი თელავში მოწყობილ საკარატინო ზონაში გადაიყვანეს, თუმცა მათი ნაწილი ახლა თვითიზოლაციაში, საკუთარ სახლში იმყოფება. ხიზანიშვილი ამბობს, რომ პარიზი- თბილისის რეისის მგზავრებიდან საკარატინო ზონაში ახლა 24 ადამიანია და ყველა მათგანის ჯანმრთელობის მდგომარეობა დამაკმაყოფილებელია.

“ველოდებით ახალი საკარანტინო ზონების დამატებას. ყველა სავარაუდო ადგილი მზად არის მედ-პერსონალის ჩათვლით. ამ ეტაპზე კახეთში კორონავირუსის შემთხვევა არ გვაქვს”, – ამბობს ნელი ხიზანიშვილი.

16 მარტის მონაცემებით კახეთში 110 ადამიანი იმყოფება თვითიზოლაციაში. შვიდს კი მეთვალყურეობა მოეხსნა.

15 მარტს სამი ადამიანი, რომელიც იზოლაციის წესებს არღვევდა, იძულების წესით საკარანტინო სივრცეში, პოლიციის დახმარებით გადაიყვანეს.

მსგავსი პოსტები

Back to top button