რეგიონი

გურჯაანში თანასოფლელის მკვლელობისთვის ბრალს წაუყენებენ

გურჯაანის მუნიციპალიტეტის სოფელ კალაურში მომხდარი მკვლელობისთვის დაკავებულს ბრალს დღეს ოფიციალურად წაუყენებენ.

ბრალის წარდგენის შემდეგ, თელავის რაიონულმა სასამართლომ 60 წლის გიორგი მღებრიშვილისათვის აღკვეთის ღონისძიების შეფარდების საკითხი უნდა განიხილოს.
რადიო ჰერეთისათვის ცნობილია, რომ ბრალდების მხარე, მღებრიშვილისათვის პატიმრობის გამოყენების შუამდგომლობას დააყენებს.

დაკავებულის ადვოკატი, ლალი ჩაველაშვილი, სასამართლოს მისი დაცვის ქვეშ მყოფის მიმართ, უფრო მსუბუქი აღკვეთის ღონისძიების გამოყენებას მოსთხოვს.

ჩაველაშვილი შურისძიების მოტივს გამორიცხავს და ამბობს, რომ დაპირისპირება მოკლულის მხრიდან განხორციელებულმა სიტყვიერმა და ფიზიკურმა შეურაცხყოფამ გამოიწვია.

შეგახსენებთ, მკვლელობა სოფელ კალაურში 26 იანვარს, ღამით, მოხდა.

გიორგი მღებრიშვილმა, თანასოფლელი, 36 წლის გოჩა ჩაღიაშვილი სანადირო თოფიდან სამი გასროლით მოკლა.
გამოძიება მომხდარ ფაქტზე, სისხლის სამართლის კოდექსის 108- ე მუხლით მიმდინარეობს, რაც განზრახ მკვლელობას გულისხმობს.

მსგავსი პოსტები

Back to top button