რუსეთის დუმის დეპუტატი ლეონოდ კალაშნიკოვი კორონავირუსის დიაგნოზით საავადმყოფოში მოათავსეს. ინფორმაციას „ინტეფაქსი“ ავრცელებს. კალაშნიკოვის თქმით, მისი ჯანმრთელობის მდგომარეობა კარგი არ არის.
„არც თუ ისე კარგი მდგომარეობაა. თავდაპირველად ჩემი მძღოლი დაინფიცირდა და მე მისგან გადამედო. როგორც კი გავიგე, მას შემდეგ კარანტინში ვიყავი, მაგრამ ვირუსი მეც გამომივლინდა. მაღალი სიცხე მაქვს“, – აღნიშნა კალაშნიკოვმა რუსულ გამოცემასთან საუბარში.
ცნობისთვის, ამ დროისთვის რუსეთში საერთო ჯამში კორონავირუსის 74 588 შემთხვევაა გამოვლენილი. ვირუსს ქვეყანაში 681 ადამიანის სიცოცხლე ემსხვერპლა.
კორონავირუსით ინფიცირებულთა რაოდენობა რუსეთში ერთ დღეში თითქმის 6 ათასით გაიზარდა. ბოლო 24 საათში, ვირუსის შედეგად, ქვეყანაში კიდევ 66 პაციენტი დაიღუპა.
