მნიშვნელოვანირეგიონისაქართველოსიახლეები
ტყიბულის შახტში 144 თანამშრომელი კორონავირუსითაა ინფიცირებული
ტყიბულის შახტში კომპანიის 144 თანამშრომელს კორონავირუსი დაუდასტურდა. ამის შესახებ განცხადება “საქნახშირმა” გაავრცელა. კომპანიის გადაწყვეტილებით, საწარმოში სამუშაო პროცესი 2 კვირით შეჩერდება.
“შექმნილი მდგომარეობიდან გამომდინარე, კომპანიის გადაწყვეტილებით, საწარმოში სამუშაო პროცესი 2 კვირით შეჩერდება. თანამშრომლების ძირითადი ნაწილი გადავა იზოლაციაში. მათ კოვიდ სასტუმროებში გადაყვანას სახელმწიფო უზრუნველყოფს. შეიქმნება სპეციალური ქოლ ცენტრი, რომელიც ინფიცირებულებისა და მათი ოჯახის წევრების ჯანმრთელობის მდგომარეობის მონიტორინგს განახორციელებს”, – ნათქვამია საქნახშირის განცხადებაში.
“საქნახშირის” თანამშრომლებს ტესტირება ორკვირიანი კარანტინის გასვლის შემდეგ განმეორებით ჩაუტარდებათ.
