მნიშვნელოვანისაქართველოსიახლეები

ანა დოლიძემ იუსტიციის უმაღლესი საბჭო დატოვა

ანა დოლიძემ იუსტიციის უმაღლესი საბჭო დატოვა. ამის შესახებ დოლიძემ ბრიფინგზე განაცხადა.

როგორც მან აღნიშნა, განცხადებას საქართველოს პრეზიდენტს დღესვე გაუგზავნის.

“მაშინ, როდესაც ქვეყანას სჭირდება ყოველდღიური ქმედება სასამართლოს რეფორმისთვის, მაშინ, როდესაც ქვეყანას სჭირდება არა პიარგამოხტომები, არამედ რეალური მუშაობა განვითარებისთვის, ეს შენობა ვეღარ იქნება ასპარეზი ჩემი ბრძოლისთვის.” – განაცხადა დოლიძემ.

შეგახსენებთ, 18 ივნისს იუსტიციის უმაღლესი საბჭოს არამოსამართლე წევრმა, ანა დოლიძემ, პარლამენტის დამოუკიდებელმა დეპუტატმა ლევან კობერიძემ და სამოქალაქო მოძრაობის ლიდერებმა, ალეკო ელისაშვილმა და ლევან იოსელიანმა ერთობლივი პოლიტიკური პლატფორმა შექმნეს.

პოლიტიკური საქმიანობის დაწყების გამო, იუსტიციის უმაღლესი საბჭოს არამოსამართლე წევრი ნაზი ჯანეზაშვილი ყოფილ კოლეგას და თანამოაზრეს საბჭოს დატოვებისკენ მოუწოდებდა.

ნაზი ჯანეზაშვილის გარდა, საქართველოს იუსტიციის უმაღლესი საბჭოს არამოსამართლე წევრის, ანა დოლიძის მიერ პოლიტიკური საქმიანობოს დაწყებას 7 არასამთავრობო ორგანიზაცია გამოეხმაურა და განაცხადა, რომ ეს დოლიძის მიერ დაკავებულ თანამდებობასთან შეუთავსებელია.

მსგავსი პოსტები

Back to top button