რომელი ქვეყნის ლიდერები ჩავლენ მოსკოვში?
თურქეთის პრეზიდენტი რეჯეფ თაიფ ერდოღანი მოსკოვში მეორე მსოფლიო ომის დასრულებიდან 70-ე წლისთავთან დაკავშირებით დაგეგმილ ღონისძიებებზე დასასწრებად არ გაემგზავრება. გავრცელებული ცნობით, დღევანდელ ღონისძიებებს თურქეთის სახელით თურქეთის ელჩი დაესწრება. თუ რატომ არ გაემგზავრება ერდოღანი მოსკოვში, ამის მიზეზები უცნობია.
კიდევ ერთი ლიდერი, რომელიც დღეს მოსკოვში მეორე მსოფლიო ომის 70-ე წლისთავთან დაკავშირებით ღონისძიებებს არ დაესწრება, ჩრდილოეთ კორეის პრეზიდენტი კიმ ჩენ ინია. ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა. მისივე თქმით, კიმ ჩენ ინის ვიზიტის გაუქმების მიზეზი “შიდა კორეული საქმეებია”.
საფრანგეთის საგარეო საქმეთა მინისტრი, ლორან ფაბიუსი კი დღეს მოსკოვში ჩავა. თუმცა, იგი მეორე მსოფლიო ომის დასრულების 70-ე წლისთავთან დაკავშირებით დაგეგმილ სამხედრო აღლუმს არ დაესწრება. რაც შეეხება საფრანგეთის პრეზიდენტს, იგი მოსკოვში დღევანდელ ღონისძიებებზე დასასწრებად არ მიემგზავრება. ასევე რუსეთში ჩასვლას აპირებენ გერმანიის კანცლერი ანგელა მერკელი და გაეროს გენერალური მდივანი პან გი მუნი.
