ბოლო ცნობით, ნეპალში გარდაცვლილთა რიცხვმა 1400 მიაღწია

უკანასკნელი ოფიციალური ცნობებით და საერთაშორისო ახალი ამბების სააგენტოების ინფორმაციით,  ნეპალში მიწისძვრით გარდაცვლილთა რიცხვმა 1400 მიაღწია.

ნეპალის დედაქალაქ კატმანდუში 25 აპრილს 7,8 მაგნიტუდის სიმძლავრის მიწისძვრა მოხდა.

დამანგრეველი მიწისძვრის ეპიცენტრი კატმანდუდან 80 კილომეტრის დაშორებით მდებარეობს.

მიწისძვრამ დაანგრია ისტორიული კოშკები და შენობები. დანგრეულია ცნობილი დხარარას კოშკი, რომელიც მეცხრამეტე საუკუნეში ააგეს.

სპეციალისტების თქმით, ბოლო ასეთი მიწისძვრა ამ რეგიონში 1934 წელს იყო.

დაშავებულ ქართველ მოქალაქეებზე ინფორმაცია არ ვრცელდება, თუმცა ცნობილია, რომ იქ იმყოფება რამდენიმე ტურისტული ჯგუფი საქართველოდან. მათი ნაწილი ახლობლებს უკვე დაუკავშირდა, უცნობია ნაწილის მდგომარეობა.

მსგავსი პოსტები

Back to top button